XVIII registris camerae aliisque, vere a. 1413 se contulit. Florentiae camera apostolica, commorationem tantum temporalem fore aestimans, unicum registrorum cameralium volumen condidit, quo varia inserere coepit, quae alias in aliquot libris specialibus annotari solebant. Praelatorum obligationes et servitiorum solutiones hic solummodo in primis 60 foliis conspiciuntur, quarum nulla Bohemi- calis est. Bohemicalia demum in ulterioribus libri partibus occurrunt, quarum inscriptiones sunt: „Registrum bullarum de curia“ (fol. 61), „Registrum diversarum“ (fol. 109), „Registrum anna- tarum“ (fol. 153). Materiae tomi, quem nunc in lucem emittimus, partem longe maximam pontificum Avinio- nensium, Romanorum et Pisanorum registra nec non alios codices in archivo vel bibliotheca Vaticanis asservatos praebuisse iam supra diximus. Ibidem etiam registra apostolica, magni schis- matis temporibus confecta, haud integra ad nos pervenisse commemoravimus. Praeterea non omnia documenta, quae ab apostolica cancellaria vel camera expedita sunt, registrari solita esse constat. Itaque integritatem editionis, quantum possit, assequi conantibus nobis documenta modo memorato acquisita etiam aliis materiis, quae extra Vaticani muros in archivis et bibliothecis cum Bohemoslovacis tum extraneis servatae sunt, supplenda esse necessarium duximus. Archiva autem, quae ipsi aut per litteras adiimus, sunt haec: archivum publicum centrale Pragae, archiva publica in civitatibus Třeboň, Český Krumlov, Žlutice, Brno, Olomouc, Kroměříž, archiva districtualia in civitatibus Cheb, Rokycany, Louny, Kutná Hora, archiva municipalia in Brno et Olomouc, archivum universitatis Carolinae Pragae, archivum archiepiscopale Pragense et archivum capituli Vyšehradensis (utrumque in archivo publico centrali Pragae depositum), archivum metropoli- tani capituli Pragensis (in archivo arcis Pragensis depositum). Ex extraneis institutionibus: archiva publica Dresdac, Vimariae, Magdeburgi, Vindobonae; archivum Nationale Parisiis; archivum universitatis Jagellonicae Cracoviae; archivum archidioecesanum Vratislaviae; archivum capi- tuli Misnensis (in archivo publico Dresdensi depositum); archiva monasteriorum Gottwicensis (Göttweig) et Plagensis (Schlägl). Inter documenta ex archivis modo memoratis hausta primum 86 originalia adhibuimus. Hoc ex numero 19 sunt Innocentii VII., 12 Gregorii XII., 11 Alexandri V., 36 Johannis XXIII., 3 Clementis VII., 3 concilii Constantiensis (num. 1074, 1099, 1100), denique 2 Henrici cardinalis, s. collegii cardinalium camerarii (num. 45, 333). Maxima ex parte sunt litterae „de gratia“ et litterae „de iustitia“, decem documenta sunt litterae clausae (num. 236, 378, 417, 423, 472—474, 521, 606, 607). Una bulla Gregorii XII. in duobus originalibus exstat (num. 308). Semel, quod rarum est, exspectantia apostolica in communi forma pauperum in originali servata est (num. 47). Aliter, ac in ceteris Monumentorum tomis fiebat, in editionem nostram ex originalium annotatio- nibus in cancellaria exaratis nomina officialium (non autem paucis exceptis compendia quaecum- que) recepimus. Praecipue igitur de annotatione sub plica sinistrorsum collocata, taxam et officia- lium nomina continente, e quibus rescribendarii nominantur Jo. de Lyns, M. de Novaria, Ja. Angelus, A. de Baronibus, H. de Dompnaperia, Gerlacus, G. Stoter, Jo. de Prato, S. de Prato, E. Lupi, P. de Casaciis, computatores autem A. de Camporegali, Jo. de Tremosnicz, Jo. Ilsung, P. Negrandi, G. de Pala, Jo. de Mercatello, P. de Magio, Adolphus, M. de Guadagnis, Jo. de Cri- vellis, M. Pinardi, Bonanus, P. de Pistorio. Sub plica dextrorsum nonnullarum litterarum et in litteris clausis secretariorum apostolicorum nomina occurrunt, eorum, quos iam supra attulimus, videlicet F. de Montepoliciano, M. de Strata, A. de Reate, Jo. Swayne, Job de Restis. E numerosis harum litterarum scribis, quorum nomina consuete in plica dextrorsum collocantur, commemo- randus est saltem notabilis praelatus Bohemus, in cancellaria apostolica per longos annos munere fungens, supra iam nominatus Johannes de Tremosnicz.32 Rarius hic procuratores „ad impetran- dum“ a tergo litterarum in medio margine superiore nominantur; qui solummodo octies occur- 32 Conf. Mon. Boh. Vat. V, pag. 1476, et indicem huius libri.