90 Innocentius VII. in plica dext.: in tergo: Rta gratis Jo. de Lyns R[egistrata] Y. — in marg. inferiore med.: Solvit michi Francino Litterac originales in pergameno scriptae cum bulla plumbea in filo serico appensa in archivo publico in Dresden sub sign. 5334 asservantur. — R. Lat. 123 (Innoc. VII. a. I.), fol. 252 — 253 (De diversis formis a. primo). In fine: Y. LXXX de Ubaldinis — Typis excusum apud Gersdorf, Urkundenbuch des Hochstifts Meissen, pag. 321, num. 782 — Rep. Germ. II, col. 1226 137. Abbati monasterii Gradicensis prope Olomouc mandatur, ut Johannem episcopum ac nonnullos clericos Litomyšlensis civitatis et dioecesis nec non Ottikonem de Ríčany, castellanum in Roudnice, ab excommunicationis et aliis sententiis in eos per Zhynkonem, archiepiscopum Pragensem, latis absolvat atque inter easdem partes amicabilem concordiam tractare procuret. Romae, 1405 Junii 10. D. f. abbati monasterii Gradicensis prope Olomucz salutem etc. Exhibita nobis nuper pro parte ven. fr. nostri Johannis, episcopi Luthomislensis, ac dd. ff. cleri civitatis et diocesis Lutho- mislensis peticio continebat, quod, cum olim ven. fr. noster Sbinko, archiepiscopus Pragensis, per suas litteras, diversas excommunicacionis, suspensionis et interdicti sentencias continentes, auctoritate metropolitica monuisset eundem episcopum, suffraganeum suum, sibique mandasset, ut eidem archiepiscopo reverenciam et obedienciam debitas exhiberet necnon certas terras et pos- sessiones tunc expressas, in quarum possessione dictus episcopus ex certa causa tunc erat, libere et omnino dimitteret, alioquin ipsum episcopum necnon universos et singulos tam clericos quam laicos, qui prefato episcopo in ea parte contra eundem archiepiscopum forsitan adhererent aut prestarent auxilium, consilium vel favorem, predictas sentencias incurrere vellet eo ipso, prefatus- que episcopus, pretendens se propterea per dictum archiepiscopum ex certa racionabili causa tunc expressa indebite fore gravatum, ab eisdem monicione ac mandatis ad sedem apostolicam appellasset, fe. re. Bonifacius papa VIIII., predecessor noster, causam appellacionis huiusmodi et negocii principalis ven. fr. nostro Nicolaos), episcopo Ferentinatensi, qui tunc locum unius ex auditoribus causarum palacii apostolici de mandato predicti predecessoris tenebat, prout adhuc de mandato nostro tenet, ad instanciam predicti Johannis episcopi audiendam commisit et fine debito terminandam, et deinde prefatus predecessor, postquam dictus Nicolaus episcopus in eadem causa ad nonnullos actus inter partes ipsas processerat, eandem causam ad se advocans, litteras sive moniciones et mandatum ac sentencias huiusmodi, per eundem archiepiscopum, ut dicebatur, in Johannem episcopum ac nonnullos clericos eorundem civitatis et diocesis necnon in nobilem virum Otykonem de Rzyczan, tunc castellanum in Rudnicz, et quasdam alias personas tunc expressas, qui dicte appellacioni adheserant pro eo, quod eidem Johanni episcopo prestiterunt in premissis auxilium, consilium et favorem, latas, auctoritate apostolica ratificavit et approbavit. Cum autem, sicut eadem peticio subiungebat, predicti Johannes episcopus, clerici, castellanus et persone desiderent ab huiusmodi sentenciis, si et in quantum illis ligati fuerunt, absolvi necnon ad gremium ecclesie cum humilitate redire, pro parte dictorum Johannis episcopi, clericorum ac castellani et personarum nobis fuit humiliter supplicatum, ut eos ab huiusmodi excommunica- cionis necnon aliis sentenciis ad cautelam absolvi et eciam interdictum ecclesiasticum, premissorum occasione in Luthomislensi necnon aliis ecclesiis et eciam locis ecclesiasticis ac civitate predicta necnon terris, villis, opidis et castris quibuslibet dicte diocesis forsan positum per eundem archie- piscopum, relaxari per discretum aliquem mandare necnon alias in premissis salubriter providere de speciali gracia dignaremur. Nos igitur, qui pacem et concordiam querimus singulorum et li- benter eorum scandalis, quantum nobis ex alto permittitur, obviamus, huiusmodi supplicacionibus inclinati, discrecioni tue per apostolica scripta mandamus, quatenus eundem Johannem episco-