Innocentius VII. 35 49. Episcopo Anconitano et abbati monasterii Gradicensis prope Olomouc atque archidiacono Plznensi in ecclesia Pragensi mandatur, ut sententias, quae in causa super parochiali ecclesia s. Martini in suburbio Za- tecensi exorta in palatio apostolico latae sunt, executioni demandantes, Nicolaum Johannis in corporalem pos- sessionem eiusdem ecclesiae inducant. Romae, 1404 Novembris 24. Ven. fr. episcopo Anconitano et dd. ff. abbati monasterii in Radis extra muros Olomucenses ac archidiacono Pilznensi in ecclesia Pragensi salutem etc. Exhibita nobis pro parte d. f. Nicolai Johannis, rectoris parrochialis ecclesie s. Martini in suburbio Zacensi Pragensis diocesis, peticio continebat, quod orta dudum inter dd. ff. Johannem, rectorem parrochialis ecclesie in Magna- villa, et Vitum, qui se tunc gerebat pro rectore parrochialis ecclesie in Neczemicz dicte diocesis, super dicta ecclesia s. Martini, ad quam, tunc per obitum quondam Benessii, ultimi ipsius ecclesie s. Martini rectoris extra Romanam curiam defuncti, vacantem, Johannes se per veros patronos ipsius ecclesie s. Martini et existentes in pacifica possessione vel quasi iuris presentandi personam ydoneam ad eandem ecclesiam s. Martini bo. me. Johanni, patriarche Alexandrino, tunc archie- piscopo Pragensi 1), infra tempus legitimum presentatum fuisse dictamque ecclesiam s. Martini sibi huiusmodi presentacionis vigore deberi prefatumque Vitum se presentacioni huiusmodi contra iusticiam opposuisse ..., Vitus vero predicti eandem ecclesiam s. Martini ad se de iure spectare asserebant, coram d. f. Nicolao Puchnik, canonico Pragensi, tunc vicario in spiritualibus generali dicti patriarche, tunc archiepiscopi, non ex delegacione apostolica, materia questionis, idem canonicus, tunc vicarius, perperam in huiusmodi causa procedens, diffinitivam, per quam inter cetera dictam ecclesiam s. Martini Vito adiudicavit et super ea Johanni rectori prefatis perpetuum silencium imposuit, sentenciam promulgavit iniquam. A qua pro parte dicti Johannis rectoris fuit ad sedem apostolicam appellatum, ac fe. re. Bo- nifacius papa nonus, predecessor noster, causam appellacionis huiusmodi et negocii principalis quondam Hermanno de Biluelt, capellano sedis apostolice et causarum palacii apostolici auditori, ad instanciam dicti Johannis rectoris audiendam commisit et fine debito terminandam ... et cum potestate citandi dictum Vitum extra eandem curiam et ad partes, quociens opus esset. Idemque auditor ad instanciam d. f. magistri Rotheri Balhorn, procuratoris dicti Johannisa) coram eo in iudicio comparentis, predictum Vitum per suas certi tenoris litteras citari fecit ad partes, ut coram eo certo peremptorio competenti termino tunc expresso cum omnibus actis, iuribus et munimentis suis causam huiusmodi contingentibus in dicto palacio compareret, pro- cessurus in causa huiusmodi ad singulos actus necessarios usque ad diffinitivam sentenciam inclu- sive, prout existeret racionis. In quo quidem termino idem Rotherus coram eodem auditore in iudicio comparens et de citacione huiusmodi eidem auditori fidem faciens per legitima documenta, predicti Viti non comparentis contumaciam accusavit. Et deinde dictus predecessor causam huiusmodi d. f. magistro Brande de Castelliono, capellano nostro et causarum dicti palacii audi- tori, ex certis causis audiendam commisit et fine debito terminandam, qui ad instanciam dicti Rotheri coram eo in iudicio comparentis prefatum Vitum ad dandum et recipiendum libellum et ad prestandum et per alteram partem prestari videndum iuramentum de calumpnia et de veri- tate dicenda necnon ad dandum et per eandem alteram partem dari videndum posiciones et arti- culos, si quos dare vellent in causa huiusmodi, in audiencia publica, ut est moris, successive citari fecit ad certos terminos peremptorios competentes. In quibus idem Rotherus ... comparens, predicti Viti non comparentis contumaciam accusavit et in eius contumaciam quendam dedit libellum et predictum in ipsius Brande auditoris presencia prestitit iuramentum necnon quosdam posiciones et articulos tradidit pro parte sua in causa huiusmodi in dictis terminis ad hoc datis, idemque Branda auditor ad predicti Rotheri instanciam d. f. magistrum Johannem de Scrivanis, procuratorem dicti Viti, prout eidem Brande auditori apud acta cause huiusmodi legitime consta- bat, ad respondendum dictis posicionibus et dicendum contra eosdem articulos, quidquid vellet,