482 Johannes XXIII. 837. Praeposito monasterii in [Dolní] Kounice mandatur, ut parochiales ecclesias in Rudíkov et in Troskoto- vice Olomucensis dioecesis monasterio Vallis s. Mariae in Oslavany incorporet. Apud s. Antonium extra muros Florentinos, 1413 Julii 21. D. f. preposito monasterii in Cunicz per prepositum soliti gubernari Olomucensis diocesis salutem et apostolicam benediccionem. Sacre religionis, sub qua dd. in Christo ff. abbatissa et conventus monasterii Vallissanctemarie in Osslavia Cisterciensis ordinis Olomucensis diocesis de- votum et sedulum exhibent domino famulatum, promeretur honestas, ut votis earum, illis preser- tim, per que dicti monasterii utilitas procuratur, favorabiliter annuamus. Exhibita siquidem nobis pro parte ipsarum abbatisse et conventus peticio continebat, quod, cum dictum monasterium ob guerras et alias turbaciones patrie, que partes illas diucius multipliciter afflixerunt, adeo in suis facultatibus diminutum extiterit, quod ex eis abbatissa et conventus predicte commode sustentari et incumbencia eis onera supportare necnon ecclesiam et alia edificia eiusdem monasterii, que non modicam ruinam minantur, reparare et conservare non possunt, pro parte dictarum abbatisse et conventus nobis fuit humiliter supplicatum, ut in relevamen huiusmodi onerum in Rudwykaw et in Dreskowicz parrochiales ecclesias dicte diocesis, que de iure patronatus ipsius monasterii existunt quarumque vigintiduarum, prefato monasterio, cuius centum marcharum argenti puri fructus, redditus et proventus secundum communem extimacionem valorem annuum ... non excedunt, imperpetuum unire, annectere et incorporare de speciali gracia dignaremur. Nos igitur, qui de premissis certam noticiam non habemus, dictarum abbatisse et conventus necessitatibus providere cupientes, huiusmodi supplicacionibus inclinati, discrecioni tue per apostolica scripta mandamus, quatinus, si est ita, super quo tuam conscienciam oneramus, ecclesias predictas cum omnibus earum iuribus et pertinenciis eidem monasterio in supportacionem onerum huiusmodi auctoritate nostra imperpetuum unias, incorpores et annectas, ita quod cedentibus vel decedentibus ipsarum ecclesiarum rectoribus, qui nunc sunt, vel ecclesias ipsas alias simul vel successive quomo- dolibet dimittentibus liceat eisdem abbatisse et conventui corporalem possessionem dictarum ec- clesiarum iuriumque et pertinenciarum predictorum auctoritate propria libere apprehendere ac perpetuo in usus earum et dicti monasterii licite convertere et retinere diocesani loci et cuiuscun- que alterius super hoc licencia vel consensu minime requisitis. Volumus autem, quod propter incor- poracionem huiusmodi in eisdem ecclesiis divinus cultus nullatenus minuatur, sed deserviatur inibi laudabiliter in divinis, quodque predicte ecclesie solicite gubernentur et animarum cura dd. ff. parrochianorum earundem ecclesiarum debite exerceatur per ydoneos rectores ad nutum abbatisse et conventus predictarum ponendos et amovendos, quodque dicte abbatissa et conventus episco- palia iura solvere et alia consueta onera ipsarum ecclesiarum teneantur integre supportare, non obstantibus constitucionibus et ordinacionibus apostolicis ac graciis quibuscunque ... Nos enim... Datum apud s. Antonium extra muros Florentinos XII. kal. Augusti pontificatus nostri a. quarto. in tergo: (dext.) in plica dext.: in marg. superiore ad dext.: ad cameram sub plica: (sin.) L Jo. de Prato Job Pro A. de Sicilia Jo. Ilsung R[egistrata] F. — in marg. inferiore med.: Receptum Stephanus Litterae originales in pergameno scriptae cum bulla plumbea in filo canapis appensa in collectione litterarum et epistolarum archivi municipalis Brunae sub num. 224 asservantur. — Insertum litteris executoriis Venceslai, prae- positi monasterii in Dolní Kounice, per notarios publicos Venceslaum Floriani de Boskovice, clericum Olomucensis dioecesis, et Nicolaum Stanislai natum de Pawlów Vratislaviensis dioecesis anno 1413 die 24. mensis Septembris in