Innocentius VII. 91 pum et clericos necnon castellanum et personas huiusmodi, si hoc humiliter pecierint, ab eisdem excommunicacionis necnon aliis sentenciis auctoritate nostra absolvas hac vice dumtaxat ad cautelam in forma ecclesie consueta necnon eciam tollas seu relaxes eadem auctoritate nostra huiusmodi interdictum in ecclesiis, civitate, terris, villis, opidis et castris eisdem, premissorum occasione forsitan positum per eundem archiepiscopum, ut prefertur, et eciam cum Johanne episcopo necnon clericis sive ecclesiasticis personis eisdem, qui huiusmodi sentenciis seu earum aliqua ligati missas et alia divina officia, non tamen in contemptum clavium, forsitan celebraverunt seu illis se immiscueruntb), super irregularitate, si quam propterea forsitan contraxerunt, eciam eadem auctoritate nostra dispenses et aboleas eciam omnem inhabilitatis et infamie maculam sive notam per ipsos premissorum occasione contractam, iniunctis eis pro modo culpe penitencia sa- lutari et aliis, que de iure fuerint iniungenda. Et insuper volumus, quod iuxta datam tibi a domino prudenciam, tamen de consilio d. f. nobilis viri Henrici, baronis baronie de Rosinberg Pragensis diocesis, inter easdem partes super illis, propter que in Johannem episcopum, clericos, castellanum et personas huiusmodi sentencie predicte forsan promulgate fuerunt, et aliis premissis amicabilem concordiam auctoritate prefata tractare procures. Alioquin si illa infra octo menses a tempore, postquam presentes littere tibi presentate fuerint, quod absit, fieri nequiret, volumus, quod extunc elapsis mensibus ipsis Johannes episcopus, clerici, castellanus et persone huiusmodi ipso facto in easdem sentencias relabantur necnon ecclesie, loca ecclesiastica, civitas, terre, ville, opida et castra huiusmodi eodem subiaceant interdicto quodque extunc eciam huiusmodi negocium et, quicquid super eo per te factum fuerit, per tuas patentes litteras harum seriem continentes, tuo sigillo munitas, examini sedis prefate remittas ac eciam prefato archiepiscopo et eius executoribus et subexecutoribus inhibeas eadem auctoritate nostra, presertim sub pena decem millium flore- norum auri, ne ipse dilacione huiusmodi octo mensium pendente aliquid per se vel alium seu alios contra Johannem episcopum, clericos, castellanum et personas huiusmodi premissorum occasione attemptare presumat, alioquin eundem archiepiscopum, si defecerit, dictam penam incurrere volumus similiter eo ipso, contradictores ...., non obstante ... Datum Rome apud s. Petrum quarto id. Junii a. primo. R. Lat. 120 (Innoc. VII. a. I.), fol. 171—171' (De diversis formis a. primo) — In fine: A. L Aldimarius — a) ,Ni- colao' adscr. in marg. — b) ,immiscuerint' in reg. 138. Magistro Nicolao Vordis, causarum palatii apostolici auditori, mandatur, ut, si per eventum litis inter Daliborium de Unčovice et Johannem Schucz super canonicatu et praebenda ecclesiae Vratislaviensis ipsi con- stiterit neutri litigantium in eis ius competere, eundem canonicatum et praebendam praefato Daliborio conferat. Romae, 1405 Junii 16. D. f. magistro Nicolao Vordis, capellano nostro et auditori causarum palacii apostolici, sa- lutem etc. Vite ac morum honestas aliaque ... merita, super quibus ... d. f. Daliborius de Honczo- wicz, canonicus Olomucensis, ... commendatur ..., nos inducunt, ut sibi reddamur ad graciam liberales. Dudum siquidem fe. re. Bonifacius papa VIIII., predecessor noster, omnes canonicatus et prebendas ... Postmodum vero canonicatu et prebenda ecclesie Wratislaviensis, quos quondam Hermannus de Naklis, ipsius ecclesie canonicus, dum viveret, obtinebat, per ipsius Hermanni obitum, qui, dum dictos canonicatum et prebendam obtineret, ... fructuum et proventuum in civitate et diocesi Olomucensi camere apostolice debitorum succollector existens, extra Romanam curiam diem clausit extremum, vacantibus, idem predecessor attendens, quod nullus preter ipsum ea vice de canonicatu et prebenda predictis disponere potuerat neque poterat ..., et volens nobis, tunc in minoribus constitutis, de alicuius subvencionis auxilio pro expensarum oneribus per nos commode supportandis providere, de ipsis canonicatu et prebenda ... nobis graciose concessit