52 Innocentius VII. 70. Magistro Hermanno Dwerg, causarum palatii apostolici auditori, mandatur, ut cessione iuris ad parochia- lem ecclesiam in Pravlov Olomucensis dioccesis a Johanne Cacabus de Radonín recepta, ad idem ius Petrum Johannis de Senice surroget. Romae, 1405 Januarii 14. D. f. magistro Hermanno Dwerg, capellano nostro et causarum palacii apostolici auditori, salutem etc. Vite ac morum honestas aliaque ... merita, super quibus . .. d. f. Petrus Johannis de Senicz, presbiter Olomucensis diocesis,... commendatur..., nos inducunt, ut sibi reddamur ad graciam liberales. Exhibita siquidem nobis nuper pro parte dicti Petri peticio continebat, quod orta dudum inter ipsum et d. f. Johannem Cacabus de Radonin, qui se gerit pro presbitero dicte diocesis, super parrochiali ecclesia in Prawlow eiusdem diocesis, quam, tunc per liberam resignacionem quondam Theoderici, ultimi rectoris ipsius ecclesie, per eum de illa, quam tunc obtinebat, coram certis notario publico et testibus extra Romanam curiam sponte factam, vacan- tem, Petrus se auctoritate apostolica assecutum fuisse canonice dictumque Johannem se assecucioni huiusmodi contra iusticiam opposuisse..., Johannes vero prefati dictam ecclesiam ad se de iure spectare asserebant, prout ipse Petrus adhuc asserit, materia questionis et causa huiusmodi ad sedem apostolicam legitime introducta, fe. re. Bonifacius papa VIIII., predecessor noster, causam ipsam ad instanciam dicti Petri d. f. magistro Johanni de Caraczolis, capellano sedis predicte et causarum palacii apostolici auditori, audiendam commisit et fine debito terminandam, qui in causa ipsa procedens, diffinitivam, per quam inter cetera eundem Petrum ab impeticione dicti Johannis absolvit, sentenciam promulgavit, a qua pro parte ipsius Johannis Cacabus ad sedem fuit appellatum eandem, dictusque predecessor causam appellacionis huiusmodi d. f. magistro Johanni de Gaczcow, capellano sedis et auditori causarum palacii predictorum primo et deinde, postquam idem Johannes de Gaczcow auditor ad nonnullos actus in causa huiusmodi processerat, ex certis causis tibi audiendam commisit et fine debito terminandam. Et successive, postquam tu ad nonnullos actus in causa huiusmodi processeras, dicto predecessore ... sublato de medio, nos . . . omnibus auditoribus causarum dicti palacii commisimus, ut omnes et singulas causas, quas ex commissionibus dicti predecessoris audiebant, in eo statu, in quo tempore obitus eiusdem predecessoris remanserant coram eis, resumerent illasque ulterius audirent et fine debito termina- rent iuxta tenores commissionum factarum eisdem, tuque postmodum in causa ipsa ad nonnullos actus, citra tamen conclusionem, inter partes easdem diceris processisse. Cum autem, sicut eadem peticio subiungebat, prefatus Johannes Cacabus liti et cause huiusmodi ac omni iuri, si quod sibi in dicta ecclesia seu ad eam quomodolibet competit aut competere potest, libere et sponte cedere proponat, nos statum cause huiusmodi habentes presentibus pro expresso ac eidem Petro, ne sibi novus in huiusmodi causa adversarius surrogetur, providere sibique . .. specialem graciam facere volentes, discrecioni vestre (!) per apostolica scripta mandamus, quatenus ab eodem Jo- hanne Cacabus .. . cessionem huiusmodi... auctoritate nostra hac vice dumtaxat recipias et admittas eaque per te accepta et admissa eundem Petrum ... in omni iure et ad ius huiusmodi, si quod prefato Johanni Cacabus tempore cessionis huiusmodi in ipsa ecclesia ... quomodolibet competet (!) seu competere poterit, auctoritate predicta surroges dictumque ius sibi conferasa) . . ., et nichilominus ecclesiam predictam, cuius fructus . .. novem marcharum argenti puri secundum communem extimacionem valorem annuum ... non excedunt, .. . eidem Petro auctoritate nostra conferas et assignes, inducens ..., contradictores .. ., non obstantibus ... Nos enim . .. Datum Rome apud s. Petrum nonodecimo kal. Februarii a. primo. R. Lat. 121 (Innoc. VII. a. I.), fol. 265'—266 (De exhibitis a. primo) — In fine: A. XXIIII Aldimarius — a) Verba ,dictumque ius sibi conferas' iterantur. — Conf. num. 269