Johannes XXIII. 425 tenciam audiendam per quendam cursorem nostrum citari fecit ad certam diem peremptoriam competentem. In qua dicto Petro Fride ... comparente et predicti Hartungi non comparentis contumaciam accusante et in eius contumaciam sentenciam ipsam ferri petente, sepedictus Petrus auditor, reputans eundem Hartungum ... contumacem, et in eius contumaciam ... per suam diffinitivam sentenciam pronunciavit, decrevit et declaravit: per eundem Johannem auditorem in causa huiusmodi bene fuisse et esse processum, sentenciatum et diffinitum ipsiusque sentenciam confirmandam fore et confirmavit, et pro parte dicti baronis ab eadem sentencia dicti Johannis auditoris male fuisse et esse appellatum, ipsumque baronem in expensis coram eo in huiusmodi causa legitime factis condemnandum fore et condemnavit ipsarum expensarum taxacione sibi im- posterum reservata. Et subsequenter Johannes coram se in sedecim et Petrus auditores prefati coram se factas expensas huiusmodi in decem et octo flor. auri de camera boni et iusti ponderis in contumaciam dicti Cunczonis, ad instanciam eiusdem Petri Fride de corundem Johannis et Petri auditorum mandatis per quosdam cursores nostros ad videndum taxari expensas huiusmodi ad certos terminos peremptorios competentes successive citati et non curantis comparere, dicto Petro coram eisdem Johanne et Petro auditoribus in predictis terminis successive in iudicio comparente et eiusdem Hartungi non comparentis contumaciam accusante et in eius contumaciam expensas ipsas taxari petente successive providis moderacionibus taxaverunt eiusdem Petri Fride super dictis expensis iuramentis secutis, prout in instrumentis publicis inde confectis, eorundem Fride- rici, Johannis et Petri auditorum sigillis munitis, dicitur plenius contineri. Cum autem ... prefa- tus Augustinus dubitet, quod predictus baro prefatis sentenciis parere non curabit quodque pre- sentes littere et processus earum vigore habendi eidem baroni propter eius potenciam et maliciam tute nequeant publicari, pro parte dicti Augustini fuit nobis humiliter supplicatum, ut providere sibi super hoc de oportuno remedio dignaremur. Nos itaque huiusmodi supplicacionibus inclinati, que super hiis ab eisdem Frederico, Johanne et Petro auditoribus provide facta sunt, rata habentes et grata dictasque sentencias auctoritate apostolica confirmantes, discrecioni vestre per apostolica scripta mandamus, quatenus ... pre- missa execucioni debite demandantes et easdem sentencias, ubi et quando expedire videritis, auctoritate nostra solemniter publicantes, faciatis eidem Augustino de quingentorum aureorum necnon pro dictis expensis florenorum summis huiusmodi iuxta dictorum instrumentorum earun- dem condemnacionum et taxacionum tenores plenam et debitam satisfaccionem impendi, contra- dictores ... Ceterum si eiusdem baronis presencia pro monicionibus et citacionibus de ipso facien- dis commode vel secure haberi nequiret, nos vobis processus, moniciones et citaciones quoslibet contra ipsum baronem per vos habendos per edictum publicum in locis affigendum publicis eis- dem partibus vicinis, de quibus sit verisimilis coniectura, quod ad noticiam ipsius baronis et alio- rum, quos concernent, pervenire valeant, faciendi plenam concedimus tenore presencium faculta- tem et volumus, quod processus, moniciones et citaciones huiusmodi perinde eosdem monitos et citatos arctent, ac si eis personaliter et presencialiter intimati fuissent, confirmacionibus apostolicis et aliis contrariis non obstantibus quibuscunque ... Datum Rome apud s. Petrum quarto id. Julii a. tercio. R. Lat. 163 (Joh. XXIII. a. III.), fol. 163—168 (De exhibitis a. tercio) — In fine: Stephanus pro deo de Prato — Rep. Germ. III, col. 58—59 — a) Recte,ad concludendum et concludi videndum' — Conf. num. 1091 716. Jacobus in abbatem monasterii b. Mariae in Arena extra muros Vratislavienses electus, eidem monasterio praeficitur. Romae, 1412 Julii 13. D. f. Jacobo, abbati monasterii b. Marie in Arena extra muros Wratislavienses ordinis s. Augu- stini, salutem etc. Summi disposicione rectoris ad regimen universalis ecclesie deputati curis assidue