390 Johannes XXIII. rum indemnitatibus consulitur, libenter intendimus illisque, quantum cum deo possumus, favorem benivolum impertimur. Exhibita siquidem nobis nuper pro parte ven. fr. nostri Wenceslai, episcopi Wratislaviensis, peticio continebat, quod ecclesia s. Sepulcri dominici opidi Lignicensis Wratisla- viensis diocesis, que per quondam Wenceslaum genitorem et quondam Robertum, fratrem epi- scopi, et duces opidi prefatorum de bonis ipsis ducibus a deo collatis pro decano et capitulo ipsius ecclesie et nonnullis aliis personis ecclesiasticis, in dicta ecclesia dignitates et officia necnon bene- ficia ecclesiastica obtinentibus, canonice fundata et dotata extitit, in ipsius fabrica imperfecta re- mansit et remanet necnon ad illius consummacionem necnon eciam pro candelis, lampadibus sive luminaribus et aliis in eadem ecclesia pro divino cultu exercendo necessariis ipsius ecclesie non suppetunt facultates. Quare pro parte dicti episcopi asserentis, quod ad eandem ecclesiam singu- larem gerit devocionis affectum, nobis fuit humiliter supplicatum, ut pro consummacione necnon candelis sive luminaribus et aliis predictis parrochialem ecclesiam in Oys eiusdem diocesis, que ad collacionem eiusdem capituli pertinere dinoscitur et cuius decem, cum omnibus iuribus et perti- nenciis suis mense capitulari eiusdem ecclesie s. Sepulcri, cuius centum et quinquaginta marcharum argenti puri fructus ... secundum communem extimacionem valorem annuum ... non excedunt, imperpetuum unire, annectere et incorporare de speciali gracia dignaremur. Nos itaque huius- modi supplicacionibus inclinati, discrecioni tue per apostolica scripta mandamus, quatenus, si est ita, parrochialem ecclesiam predictam ... mense predicte auctoritate nostra imperpetuum incor- pores, unias et annectes, ita quod cedente vel decedente rectore parrochialis ecclesie predicte, qui nunc est, vel ipsam parrochialem ecclesiam alias quomodolibet dimittente liceat eisdem capitulo per se vel alium corporalem possessionem parrochialis ecclesie ... auctoritate propria libere appre- hendere ipsiusque fructus . .. in consummacionem fabrice predicte necnon pro candelis sive lumi- naribus ac aliis necessariis huiusmodi perpetuo convertere et eciam deputare alicuius super hoc licencia minime requisita, reservata tamen de predictis fructibus ... ipsius parrochialis ecclesie pro perpetuo vicario inibi instituendo congrua porcione, de qua idem vicarius possit congrue sustentari, episcopalia iura solvere et alia sibi incumbencia onera supportare, non obstantibus constitucionibus et ordinacionibus apostolicis et aliis contrariis quibuscunque ... Nos enim ... Datum Rome apud s. Petrum septimo id. Januarii a. secundo. R. Lat. 157 (Joh. XXIII. a. II.), fol. 15—15' (De diversis formis a. secundo) — In fine: Franciscus L de Agello Extractum harum litterarum in codice bibliothecae Vaticanac Vat. lat. 6952, fol. 445', continetur. — Rep. Germ. III, col. 263 651. Stephano Bom, rectori parochialis ecclesiae in Bernstadt (Bierutów)a) Vratislaviensis dioecesis, absolu- tio plenaria in mortis articulo conceditur. — „Provenit“ — „Datum Rome apud s. Petrum quarto id. Januarii a. secundo. Romac, 1412 Januarii 10. R. Lat. 159 (Joh. XXIII. a. II.), fol. 180 (De plenaria remissione a. secundo) — In marg. sin.: F. de Montepo- liciano — In fine: Franciscus XIIII de Agello — Rep. Germ. III, col. 339 — s) ,Bernstad‘ in reg. 652. Abbati monasterii s. Stephani Herbipolensis et scholastico Olomucensi ac cantori ecclesiae s. Severi Erfor- densis Maguntinae dioecesis mandatur, ut Ottonem de Milza) in corporalem possessionem praepositurae eccle- siae Herbipolensis, per obitum Antonii episcopi Portuensis, cardinalis ,Aquilegensis vulgariter nuncupati, va- cantis, inducant. — „Nobilitas generis“ — „Datum Rome apud s. Petrum tercio id. Januarii a. secundo. Romae, 1412 Januarii II. R. Lat. 154 (Joh. XXIII. a. II.), fol. 263—264 (De dignitatibus vacantibus a. secundo) — Supra in marg. sin.: Job — In fine: Stephanus XXV XXVII de Prato — Rep. Germ. III, col. 301 — a) .Milcz' in reg.