356 Johannes XXIII. nentes, monens inter alia dictum Stiborium, ut res restitueret necnon de expensis huiusmodi, quas ad quandam pecunie summam tunc expressam taxaverat, efficaciter satisfaceret Johanni prefato in certo termino eciam tunc expresso, alioquin in ipsum Styborium et contradictores quoslibet et rebelles dictam excommunicacionis sentenciam promulgabat, ipsosque mandabat et faciebat ex- communicatos publice denunciari. Dictoque Styborio, antequam per eum ipsis processibus pa- ritum foret, similiter vita functo, prefatus decanus in viduam et natas huiusmodi eciam dictos proces- sus et excommunicacionis sentenciam extendit ipsasque ad instanciam dicti Johannis excommunica- tas mandavit et fecit publice nunciari, sed ipsa vidua et nate, credentes eosdem processus et censu- ras viduam et natas ipsas non contingere, tamquam simplices et iuris ignare ab eisdem proces- sibus et censuris minime appellarunt. Cum autem ... ipse vidua et nate dicto Frido non succes- serint in vicium neque grata vel rata habuerint violencias et dampna predictis Johanni et aliis hominibus seu dicti fortalicii vicinis per Fridum et complices antedictos illata, pro parte vidue et natarum predictarum fuit nobis humiliter supplicatum, ut eis de absolucionis beneficio ad cau- telam ab huiusmodi excommunicacionis sentencia et alias ipsis super premissis oportune in hac parte providere de benignitate apostolica dignaremur. Nos itaque huiusmodi supplicacionibus in- clinati, discrecioni tue per apostolica scripta mandamus, quatenus vocatis dicto Johanne et aliis, qui fuerint evocandi, si ita esse inveneris, predictos processus et censuras et quecunque inde secuta quoad ipsas viduam et natas auctoritate nostra casses, irrites et annulles seu illos et quecunque inde secuta in ea parte fuisse et esse nulla auctoritate predicta declares, et nichilominus eisdem vidue et natis, si hoc humiliter pecierint, huiusmodi beneficium absolucionis ad cautelam ab eadem excommunicacionis sentencia impendas in forma ecclesie consueta, si et prout de iure fuerit facien- dum, contradictores per censuram etc. Testes ... Non obstantibus ... Datum Rome apud s. Petrum quarto non. Julii a. secundo. R. Lat. 157 (Joh. XXIII. a. II.), fol. 246'—247' (De diversis formis a. secundo) — In fine: Jo. XX de Nomays 546. Archidiacono in Bevensen Verdensis et scholastico Olomucensis ecclesiarum atque officiali Lubicensi man- datur, ut magistro Jacobo Lote, clerico Verdensis dioecesis, perpetuam vicariam in ecclesia b. Mariae Hambur- gensi Bremensis dioecesis conferant. — „Litterarum sciencia“ — „Datum Rome apud s. Petrum duodecimo kal. Augusti a. secundo. Romae, 1411 Julii 21. R. Lat. 155 (Joh. XXIII. a. II.), fol. 65'— 66 (De beneficiis vacantibus a. secundo) — In fine: Stephanus XXII de Prato — Rep. Germ. III, col. 183 cum errore in datis (21. Martii 1412) 547. Petro Norberti laico et eius uxori, civibus Vratislaviensibus, absolutio plenaria in mortis articulo concedi- tur. — „Provenit“ — „Datum Rome apud s. Petrum quarto kal. Augusti a. secundo. Romae, 141I Julii 29. R. Lat. 159 (Joh. XXIII. a. II.), fol. 171 (De plenaria remissione a. secundo) — In marg. sin.: L. de Arecio — In fine: Jo. XVI de Nomays — Rep. Germ. III, col. 313 548. Cum Zdenkone de Labouň, decano ecclesiae Omnium sanctorum in castro Pragensi, dispensatur, ut aliud beneficium ecclesiasticum curatum recipere et una cum dicto decanatu usque ad triennium retinere possit. Romae, 141I Julii 30. D. f. Sdeniconi de Labun, decano ecclesie Omnium sanctorum in castro Pragensi, magistro in artibus, salutem etc. Litterarum sciencia... Hinc est, quod nos tuis in hac parte supplicacio-