Johannes XXIII. 377 603. Episcopis Olorensi et Litomyšlensi ac praeposito ecclesiae s. Petri Brunensis mandatur, ut Johanni Jagal, canonico ecclesiae Olomucensis, praebendam eiusdem ecclesiae in Vlaštovičky de novo conferant. Romae, 141I Novembris 30. Ven. fratribus Olorensi et Luthomislensi episcopis et d. f. preposito ecclesie s. Petri in Brunna Olomucensis diocesis salutem etc. Vite ac morum honestas aliaque ... merita, super quibus ... d. f. Johannes Jagal, canonicus ecclesie Olomucensis, ... commendatur ..., nos inducunt, ut sibi reddamur ad graciam liberales. Exhibita siquidem nobis pro parte dicti Johannis peticio conti- nebat, quod olim canonicatu eiusdem ecclesie et prebenda in Vderlicz in eadem ecclesia, quos quondam Franciscus de Gewicz, ipsius ecclesie canonicus, dum viveret, obtinebat, per eiusdem Francisci obitum, qui extra Romanam curiam diem clausit extremum, vacantibus et per dd. ff. Petrum Wierdunk, qui in Weska, et Michaelem de Prostano, qui in Withonicz, ac Paulum de Crem- sir, canonicos eiusdem ecclesie, qui in Wlostewicz (!) prebendas in ipsa ecclesia tunc obtinebant, dictis tunc suis prebendis libere dimissis, Petrus in Vderlicz et Michael in Weska necnon Paulus predicti in Withonicz prebendas predictas per huiusmodi dimissiones vacantes, prout iuxta con- suetudinem ipsius ecclesie potuerunt, infra tempus legitimum optarunt, et subsequenter ipse Jo- hannes pretextu quarundam litterarum per quondam Bonifacium nonum in eius obediencia no- minatum d. f. abbati monasterii Gradicensis extra muros Olomucenses directarum, per quas idem abbas sex personis ydoneis, quas quondam Jodocus, marchio Moravie, sibi duceret nominandas, singulis videlicet earundem canonicatum eiusdem ecclesie cum plenitudine iuris canonici confe- rendi et de illis eciam providendi, reservandi quoque totidem prebendas eiusdem ecclesie pro ipsis personis, quas dicte persone infra certi temporis spacium ducerent acceptandas, et de illis post easdem acceptaciones dictis personis providendi facultatem habebat et per quas dictus abbas ad nominacionem prefati marchionis, ipso Bonifacio tunc vivente, predicto Johanni de canonicatu ipsius ecclesie providit necnon prebendam ipsius ecclesie, quam acceptandam duceret, reservavit, dictam prebendam in Wlastowicz per eundem Paulum, ut premittitur, dimissam post et contra constitucionem quondam Innocencii VII. in sua obediencia nominati ..., per quam omnes reser- vaciones super quibuscunque beneficiis ecclesiasticis cum cura vel sine cura necnon canonicatibus et prebendis in quibuscunque ecclesiis sive locis vacaturis vigore quarumcunque litterarum seu facul- tatum per eundem Bonifacium quibuscunque personis factas, in quibus nondum erat in re licet ad rem ius quesitum, omnesque processus habitos per easdem et quecunque inde secuta duxerat revocanda, cuius quidem constitucionis idem Johannes tunc erat ignarus, alias tamen infra tempus legitimum acceptavit et de illa sibi provideri fecit ipsamque prebendam ... diu ante concilium Pisanum extitit pacifice assecutus, quam extunc tenuit et tenet bona fide. Cum autem secundum premissa acceptacio et provisio predicte propter eandem constitucionem viribus non subsistant ..., nos volentes eidem Johanni ... graciam facere specialem, discrecioni vestre per apostolica scripta mandamus, quatenus ... prebendam in Wlastowicz predictam, cuius et canonicatus eiusdem ec- clesie fructus ... quatuor marcharum argenti puri secundum communem extimacionem valorem annuum ... non excedunt, sive ut premittitur, sive alias quovismodo ... seu per liberam resi- gnacionem d. f. magistri Johannis de Tremosnicz clerici, litterarum apostolicarum scriptoris et abbreviatoris, per eum de illa extra predictam curiam eciam coram quibusdam notario publico et testibus factam, vacet ..., eidem Johanni Jagal auctoritate nostra conferre et assignare curetis, inducentes ..., contradictores ..., non obstantibus ... seu quod idem Johannes Jagal, ut asserit, canonicatum et prebendam ecclesie in Montissanctipetri (!) in Brunna Olomucensis diocesis, quo- rum fructus ... eciam quatuor marcharum argenti secundum extimacionem predictam valorem annuum non excedunt, noscitur obtinere. Nos enim ... Datum Rome apud s. Petrum secundo kal. Decembris a. secundo. R. Lat. 179 (Joh. XXIII. a. V.), fol. 169—170' (De exhibitis a. quinto) — Supra in marg. sin.: B. de Montis— In fine: Franciscus XXIIII de Agello