Innocentius VII. 17 20. Episcopo Tudensi et abbati monasterii Břevnoviensis prope Pragam atque officiali Pragensi mandatur, ut Johanni de Malesice, canonico Pragensi et litterarum apostalicarum abbreviatori, de canonicatu et praebenda ecclesiae Vratislaviensis iuxta voluntatem et concessionem Bonifatii IX. provideant. Romae, 1404 Novembris II. Ven. fr. episcopo Tudensi et dd. ff. abbati monasterii Brewnoviensis prope Pragam ac officiali Pragensi salutem etc. Racioni congruit etc. Dudum siquidem fe. re. Bonifacio pape VIIII., prede- cessori nostro, pro parte d. f. Johannis de Malesicz, canonici Pragensis, exposito, quod olim ca- nonicatu et prebenda ecclesie Wratislaviensis, quos quondam Symon de Trebnicz, ipsius ecclesie canonicus, dum viveret, obtinebat, per ipsius Symonis obitum, qui extra Romanam curiam diem clausit extremum, vacantibus, idem Johannes vigore quarundam litterarum dicti predecessoris, per quas unum in Wratislaviensi predicta et alium in s. Petri Wissegradensi prope Pragam ec- clesiis canonicatum obtinens, unam in Wratislaviensi et aliam in s. Petri ecclesiis eisdem prebendas expectabat, eosdem canonicatum et prebendam ecclesie Wratislaviensis sic vacantes eodem pre- decessore vivente infra tempus legitimum acceptaverat et de illis sibi de facto provideri fecerat, quodque ipse Johannes tempore acceptacionis et provisionis predictarum certis de causis excom- municacionis sentencia innodatus et publice denunciatus fuerat1), et per dictum predecessorem accepto, quod prefati canonicatus et prebenda adhuc, ut prefertur, vacare noscebantur, idem pre- decessor, volens prefato Johanni, qui litterarum apostolicarum abbreviator et, ut asserebat, ab huiusmodi excommunicacionis sentencia post acceptacionem et provisionem predictas absolutus extiterat, ... graciam facere specialem, voluit et concessit, videlicet XI. kal. Junii pontificatus sui anno quintodecimo2), predictos canonicatum et prebendam, quorum fructus ... duodecim marcharum argenti puri secundum communem extimacionem valorem annuum ... non exce- debant, ... eidem Johanni auctoritate apostolica conferri et de illis eciam provideri, non obstan- tibus ... seu quod idem Johannes, ut asserebat, in Olomucensi cum prepositura, que dignitas cu- rata, et in maiori Pragensi cum scolastria, que eciam dignitas curata, non tamen maiores post pontificales existunt et ad quos qui per eleccionem assumuntur, ex dispensacione apostolica ca- nonice, ac in s. Appolinaris Pragensi ecclesiis canonicatus et prebendas, quorum omnium fruc- tus... ducentarum marcharum argenti secundum extimacionem predictam valorem annuum non excedebant, noscebatur obtinere. Voluit tamen dictus Bonifacius VIIII., quod, quamprimum prefatus Johannes canonicatum et prebendam predictos ... foret pacifice assecutus, predicte lit- tere, per quas ipse Johannes eos acceptavit,... et processus habiti per easdem et quecunque inde secuta... essent cassa et irrita... Ne autem, quod super concessione et voluntate predictis dicti predecessoris superveniente obitu littere apostolice confecte non extiterunt, idem Johannes huiusmodi voluntatis et concessionis frustretur effectu,... discrecioni vestre per apostolica scripta mandamus, quatenus ... canonicatum et prebendam ecclesie Wratislaviensis predictos... eidem Johanni auctoritate predicta conferre et assignare curetis, inducentes ... Non obstantibus omni- bus supradictis, contradictores ... Datum Rome apud s. Petrum tercio id. Novembris a. primo. R. Lat. 120 (Innoc. VII. a. I.), fol. 313—314 (De exhibitis a. primo) — In fine: De mandato. N. abbas Schafati — Rep. Germ. II, col. 1264 — 1) Conf. Mon. Boh. Vat. V, pag. 1253, num. 2141, ubi legitur Johannem de Malesice a scriptoriae officio „ex certis racionabilibus causis“ depositum et amotum esse; conf. etiam ibidem, pag. 1128, num. 1950, ubi eidem Johanni indulgetur, ne ab officio scriptoriae litterarum apostolicarum unquam amoveri possit. Vide etiam num. 40 huius libri. — 2) 22. Maii 1404 — Conf. num. 22