edeln und wolgebornen herren, herren Jaroslawen, herren Georg, herren Joh- nes, herren Peters, gebruder Berken von der Dawbe, herren zeu der Leyppen, brief3) unsers lieben vatern und vettern innehelt, ouch die begnadunge der edeln und wolgebornen herren, herren Georgen, herren Johnes, herren Peters, 4) daneben herren Adams und herren Sdislaws gebruder,5) unser lieben vettern, innehelt, was belangende ist guterer ufezugeben und farnde habe an krafthaf- tigen steten und stellen, als vor gehegitem dinge, die zu vorgeben und zu vor- reichen, als czu kirchen, clostern, gestiften, frunden und fremden, weme sie wellen, bei gesundem leibe ader ufirem todbette, als denne clerlicher und grunt- licher das statbuch in sich helt und ausweiset, dobei uns weiter bittende als ire gunstige und lieben herren bei iren alden begnadungen und rechten, freiheiten, lobelichen guten iren altherkommen gewonheiten, der sie und ire vorfaren bisher genossen und gebraucht haben, die ubir menschengedencken sein, zcu be- halden. Als denne wir obgenannten Wenczel, Heinrich, Hincke, Albrecht, Jaroslaw, Peter und Cristof gebruder Berken von der Dawben, herren zu der Leyppen, haben angesehen die czemeliche und mogeliche bete der ersamen weisen obgedochten burgermeister und ratmann von der ganczen gemeine wegen, unser lieben getrawen, dorczu ire erbarliche frommeliche vorhaldunge, die sie unsern vorfarn und uns getan haben, bekreftigen, bestetigen und confirmiren alle ire obenberurte brieve, artickel, stucke und punct, wie die in obgemelten brieven mogen erfunden werden und in iren begnadungen be- griffen sein, von iren vorfarn gebraucht und von ehn bisher unvorbruchlichen gehalden ist. Ouch bestetigen wir en alles recht, das die erbar stat Zittaws) hat und dorinne alle inwoner sitczen und gesessen sein lawts irer alden brieven, die das gruntlicher erkunden und ausweisen. Globen wir bei unsern guten, tra- wen und woren worten vor uns, unser erben und nachkommelinge bei allen sul- chen iren begnadungen, freiheiten und rechten, lobelichen und guten altherkom- men gewonheiten ane alle argelist in nicherlei bozen intragk und hindernis un- widerruflichen zou behalden. Des zeu worem bekentenisse und meher sicher- heit haben wir obgemelten Wenczel, Heinrich, Hincke, Albrecht, Jaroslaw Peter und Cristof gebruder Berken von der Dawbe, herren zou der Leyppen, unser angeborne ingesigel an diezen brief wissentlich lossen hengen und neben uns gebeten zeu grosserem bekentenisse die edeln und vesten Lewter von Pentczik zu Strawsenicz, Sigmundt von Wisbach zu Wolfersdorf gessesen, das sie ire sigell haben neben unserer lossen hengen. Gescheen und geben im funf- czenhundertsten und im sebenden joren den nehsten dinstag nach Bartholomei, des heiligen czwelfboten. Pergamenový originál v archivu města České Lípy; k listině bylo na pergamenových proužcích přivěšeno devět pečetí, z nichž se zachovala první kulatá z červeného vosku, ze třetí, rovněž červené, jen nepatrný zlomek, dále pátá a sedmá, obě kulaté a z červeného vosku. — Na rubu: No. 4.—1507. — Stručný regest (německý) a poznámka, že listina byla vložena do desk zemských dne 14. února 1661 (sv. 552, fol. L 14 v — 16). — 445. 125