gewandtschnidt oder anders, nichtz ausgenomen, so in den dörfern getriben werden möcht, welichs steten und markten ze prauchen zuegehört, sol auch bei vermeidung unser straf verpoten sein. Zum vierden das unsere undertan in unserm markt Hohenfurt mit handtierung und kaufmanschaft, sovil ein jeder vermag, doch dergestalt, wie in andern märkten brauch und gewonhait ist, auch handln mugen. Zum funften das in ainer halben meil wegs in den dörfern unserm gotzhaus zugehorig kainer unser hindersessen auf den kauf kain pier prewen noch maltz machen, sunder was er des zu notturft in sein haus bedarf, zu prewen recht haben solle. Zum sechsten was von rechtfertigungen durch unser undertan richter und rat zu Hohenfurt oder, so dieselben fur uns geappelliert wurden, nit vertragen werden mochten, so sollen alsdann die beswertn tail guet, fueg und recht haben fur vorgemeltn unsern genedigen herren von Rosenberg etc. zu appellieren und alsdann von Sein Genaden oder derselben anwalden oder wohin die parteien von Seinen Genaden weiter verschafft werden, daselbs zu baiden seiten der sachen erkantnuss und ent- schieds zu gewarten. Gegen solichen vorbeschriben begnadungen und freihaitn haben sich unser undertan und burger unserm gotzhaus zu guet unsern zins und gült, so wir im markt Hohenfurt vormals aus den heusern jerlich einze- nemen haben, zu merer verwilligt dergestalt, das ein jeder burger, all sein erben und nachkomen von ainem jeden haus uber das, so vorhin jerlich davon geraicht worden ist, uns und allen unsern nachkomen nun furan fur künfti- gelich in ewig zeit alle jar fur ainen jeden kreuzer des alten zins siben deutsch- pfening3) raichen und geben sollen, des si uns auch durch iren erwelten aus- schuss anstat ainer gantzen gemain also gantz, stat, vest und treulich gehalten zuegesagt und versprochen haben. Und das aber durch uns, obgenant abt Cristofen, auch convent und all unser nachkomen sonderlich mit hilf voran- gezaigts unsers genedigen herren und stifter unser undertan und burger zu Hohenfurt, auch all ir erben und nachkomen bei solichen vorbeschriben begnadungen und freihaitn also genedigelich und vestigelich gehandthabt, beschützt und beschirmt werden sollen, des geben wir inen zu urkund den brief mit unserm, auch mit unsers convents aigen anhangunden insigln besiglt und zu getzeugnus haben wir mit vleis erpeten obgenanten unsern genedigen herren, herrn Ihan von Rosenberg etc., das Sein Genad derselben insigin als stifter und vogt zu merer bekreftigung der sachen zum allerfordristen auch an disen brief hengen haben lassen. Der geben ist zu Hohenfurt am sambstag nach Sand Bartholomeus, des heiligen zwelfpoten, tag und Cristi, unsers lieben herren, gepurde im funfzehenhundert und vierundzwainzigisten jaren. Originál je nezvěstný, kopie v SA Třeboň, pracoviště Český Krumlov. 1) Klášter ve Vyšším Brodě cisterciáckého řádu, založený r. 1259 Vokem z Rožmberka (J. V. Šimák, České dějiny I. 5., str. 1102—1103). 2) Vyšší Brod, o. Kaplice. — Jeho dějiny jsou celkem neznámé, ale již r. 1259 má 367