V ČECHÁCH, NA MORAVĚ A VE SLEZSKU. 107 fur vnsern Rate, so sulle wir dy Sache selber verhoren vnd so ent- 1435. scheiden mit Recht, auch spricht der Jude neyn vnd ist vngescholden an seyne Rechten, so sal er mit seym neyn dauon kommen Vnd mit irem judischen Recht vnd yren eid thun auf Moyses Buch, als vor alder herkomen ist, vnd die kläger sullen In doran lassen genugen. Wenn auch die Juden den klegern sulch recht teten, so sullen sie der schult ledig vnd laz (los) sein, auch ob der Jude stamelte an seyn eid on argelist, das sal dem Juden nicht zufare steen gen den Richter vnd gen dem kleger, vnd er soll dorumb nicht czu schaden komen, auch wole ymand die Juden schuldigen mit getzewgen, der mag sy vbert- zewgen mit fromen Cristen vnd Juden die wonhafft in unser Stat sind vnd vngescholden an irem rechten, auch ab sie czu schicken hetten vor vnserm Gerichte, so sullen sie das halten nach vnserer Stat gewohnheit vnd leufften, vnd wir sullen den Juden helffen on aufczok (verzug) vnd ongeuerd slewniclich28) gulde (gelte) oder recht von allen den, die in vnser Gerichte gehoren, oder der wir mechtig sein on aufczok vnd on- geuerd. Und wir sullen yn behulfflich sein czu pfenden farende habe, Erbe vnd gut zu Statrechte vnd gewohnheit, wie das vor alter her- komen vnd recht ist, sunderlich wir sullen sy bey allen gnaden vnd freyheiten, ab die nicht beruhrt weren in diesem brife, diy die ersten Juden, dy vor hy gewohnheit haben, gehabt haben vnd wir wollen sy In bessern vnd nicht ergern, vnd wir haben sie gefreiet von allerley beswerung bis auf den nehsten czukunfftigen Sand Michels tage, ge- nant Sant Michels tage, auch anderhalphundert guldein geben vnd sullen darnach das Jar frey aussitzen vnd sullen uns dy reychen auf vnser Rathaus, der sullen sein anderhalphundert ewiglich czu geschos, dieweil die Juden do wohnen nach lawt brifs die Anderhalphundert guldein, welche czeit vnd wenn sy es vermugen abczulozen, ye (je) ein guldein umb Zehen, so sullen sy es uns dem Rate vor ein halp Jar auf- sagen, so mugen sy es ein helfft wol czu einemmale ablozen vnd so uil czienz weniger geben, solang bis die anderhalphundert guldein ab- gelost weren, so durffin sie ir furder nymer geben sunder die ander- halphundert guldein czu geschos, die sullen sie geben nach lawt des obgenanten briefs, auch was vnser Burger vnd lewtt, die uns zusteen, schuld uber funff guldein czu In nemen, sulen sy leyhen funff guldein umb ein guden behmischen groschen czu iglicher wochen, vnd das haben wir der Rate czu biedten, auf Sechs guldein auf ein guden beh- mischen groschen czu ytzlicher wochen, doruber sulle wir die Juden nicht besweren, vnd den vorgenanten schosz dreyhundert guldein sullen 28) schleunigst.