128 K HISTORII ŽIDŮ 1453. pověřuje při tom své dva plnomocníky Sigmunda Potemprunnera a Osvalda Reicholfa. Ve Vídni. 22. květ. 1453. Wir Lasslaw von gots gnaden zu Hungern, zu Behem, Dalmatien, Croatien etc. Kuenig, Herczog zu Oesterreich und Marggrave zu Merhern etc. embieten den ersamen unsern lieben getrewen dem Burgermaister, Richter, den Schephen und Ratmannen, ouch den Burgern und der gemainde zu Bresslaw, unser kuenigleich gnad und alles gut bevor. Als Ir, die Ratmann, uns yecz habet geschriben von der erschriklichen ge- schichte wegen, die an dem Allerheiligisten und Hochwürdigem Sacra- mentt des leichnams unsers lieben herrn Ihesu Cristi durch ainen ge- pawrn von Langenwezen am nagsten zu der Oelsse sein geschehen, und wie dasselb heilig Sacrament darnach zu hannden ains Juden, genant Meyer, daselbs zu Bresslaw sey komen, dadurch Ir auch die Juden gevangen und ir gut verschriben und in unsern kueniglichen hof habet lassen legen und verfliessen, und begeret darauf von uns Underweisung ew getan werden, wan Ir darinn ewern vleis, so Ir pesst kunnet und muegt, tuen wellet etc.: Solichs ewrs schreiben wir ser erschrokhen sein, besunder von der uneer wegen, so dem almechtigen Got und dem heiligen Sacrament, auch kristenlichen gelauben, daran geschehen ist, und mergkhen darinn ewern guten vleis, damit Ir ew gegen got und uns als ewerm natuerlichen Erbherren und als frumen Kristen beweist und erczaigt habet, des wir ew auch sunderlich dannkh sagen und wellen das in künftigen Zeiten gnedicleich gen ew erkennen. Und schikhen darumb, von der und andrer unserr mergklichen sachen wegen, zu ew unser getrewn lieben Sigmunden Potemprunner und Oswalten Reicholf, unser dienner und volmechtig sandpoten, den wir ganczen gwalt und macht gegeben haben mit denselben Juden und Judinn, ouch irm leib und gut, nach solh mergklicher und unkristen- licher verhandlung, darinn nach ewrm Rat und gevallen zu tuen und zu handeln, auch zu richten und zu straffen, damit Gots eer und lob darinn furgenomen und solich uneer, dem heiligen Sacrament unsers lieben herrn Ihesu Christi, dem heiligen gelauben zu Schwechung, beweist, gerochen und gepuesst werd, wie das dann am pessten mag fuergenomen werden. Geschehe aber, daz dieselben unser Sandpoten der sachen zu Ennde nicht moechtten ausgewarten und geharrn, so geben wir in aber vollige macht und gewaltsam, daz Sy an unserr Stat und von unsern wegen, verrer gwalt geben sullen und muegen in den sachen der Juden, umb ir leib und gut, zu handeln, zurichten und zustraffen in aller mass, als dieselben unser Sandpoten das selber von unsern wegen vnd nach unserer emphelnuess getuen muegen oder moechten gehandeln. Und darumb, was ew die egemelten unser Sandpoten von