schirmen ewiclichen ungehindert, ouch si noch irer keinen weder dasselbige recht und weder des rechtes ordenunge mit unser gewalt in keinerlei weise be- sweren. Auch was si mogen haben der stat czu nuczcze umb ir gelt oder es in acten verschreben were adir waruber si lehne hetten czu tuen und doruber czu beweisen hetten, wolle wir si bei irer gerechtigkeit lassen. Ouch was der edele herre herre Heynrich Bircke von der Dauben,6) unser liber vater, dem Gott genade, erworben hat unser stat Leipen einen freien jarmarck von konig Ladslau seeligis gedechtnus, der en bestetiget hat mit seinen genaden maiestat und dorneben ire recht, alz der maiestat clarlicher innehelt, b)7) allen denselbi- gen genis, der von den jarmarckte und den leuten, die dorczu komen, gefallen mochte mit demselben seiner genaden maiestat, hab wir gegeben und in craft und macht dis brifes geben erplichen unsern liben getrawen, dem borgermeister, rotman und ganczen gemeine unser stat Leipen und allen iren nochkomlingen so, das si den haben, halden und genisen sollen ewiclichen ane hindernis. Auch den salezmark in unser stat Leipen, den wir selber gehabt und gehalden haben, hab wir auch gegeben und geben in craft und macht diss brifs den vorgeschre- ben unseren liben getrawen borgermeister und rotman und ganczen gemeine unser stat Leipen, das si en erplichen halden und haben sollen ewiclichen und ire nochkomlinge ane hindernis, so doch das si uns und unseren erben und nochkomlingen alle jar jerlichen geben und czinsen sollen ein halpfudrig fas salczis czu holfen unser koechen, und das si von desen beiden genisen, des jarmarcktis und auch des salzmarcktis, sollen nemen, das do gewonlich were, das di leute domete nicht beswert werden und unser stat davon bauen und bessern und einem gemeinem noczcze diste bas mochten vorstehen und unser gonst und libe, die wir durch irer trawe willen czu en haben, weiter erkennen mogen. Des czu warem bekentnis und groser sicherheit hab wir alle obenge- schreben Jaroslaw, George, John und Peter gebruder Bircken unsere eigene ingesigil mit unserem guten willen und wissen an desen brif losen hengen und czu groserem bekentnis hab wir gebeten die erbern woltochtigen Witken von der Mlade, dieczeit hewptman czur Eiche, Protiwecz von Bochow, Melichar von Kaudisch, dieczeit hewptman czur Leipen, John Tiechlowecz czur Strauz- nicz gesessen. Hans Gersdorf ezu Strauznicz gesessen und Hans Gersdorf von der Eilen czu Bockwyn gesessen, unsere diner und liben getrawen, das si auch ire ingesigil neben die unser haben losen hengen an desen brif. Der do gegeben ist noch Cristi geburt tausent virhundert sebenczig und ein jar den nesten montag noch Anthoni. Pergamenový originál v archivu města České Lípy; k listině bylo přivěšeno na perga- menových proužcích devět pečetí, z nichž se zachovala jen první z červeného a poslední z černého vosku. — Na rubu „1471. N. 2“, stručný obsah v německé řeči a poznámka o vkladu do zemských desk, provedeném dne 14. února 1661. a—b) Písmo otřelé, těžko čitelné, doplněno podle znění v deskách. 1) Byl jím v letech 1469—1490 (Dílo Fr. Palackého I., str. 359). 143