444. 1477 únor 10. Praha. Král Vladislav potvrzuje a rozhojňuje obyvatelům města Jílového erb, kte- rého mohou užívat na větší i menší pečeti, na praporcích i při jiných příleži- tostech. Wladislaus, Dei gratia Bohemiae rex, marchio Moravie, Lucemburgensis et Slesie dux ac Lusacie marchio etc., omnibus imperpetuum. Convenit regie benignitati subditorum suorum honori, ubi debita obsequia precesserunt, con- sulere et prospicere, ut ipsi consolati regiis iussis parere reddantur proniores, quales cives et incolas civitatis nostre Gilowa esse certo didicimus. Hii namque pro viribus suis quantuliscumque nobis fideliter et studiose assistunt, quo regia gracia si dignos demonstrant. Ut igitur eandem graciam nostram sentiant in effectu, predicte civitatis nostre Gilowa civibus et incolis presentibus et futuris, fidelibus nostris dilectis, non per errorem aut improvide, sed animo deliberato, sano procerum et aliorum nostrorum fidelium accedente consilio, ex certa nostra sciencia auctoritate regia arma seu insignia,1) videlicet leonem album, quem dudum obtinebant, sed casu quodam perdiderunt, ut honore pristino gaudere possint, ipsis approbamus, confirmamus ac denuo damus et conferimus graciose, que sunt scutum rubei coloris, in cuius medio leo albus cum duplici cauda situatur. Supra scutum autem eisdem civibus et incolis pro tempore existentibus addidimus et adiungimus. W. geminum aureum cum corona desuper similiter aurea. Quibus quidem armis dictos cives et incolas civitatis Gilowie uti libere debere et posse volumus et decernimus perpetue semoto omni quorumcumque impedimento in sigillo civitatis maiore et minore, in vexillis, bendetiis ac in omnibus actibus ipsis oportunis, in quibus ceterarum civitatum nostrarum in regno nostro Bohemie cives et incole suis armis utuntur et gaudent quomodolibet de consuetudine vel de iure. Nulli ergo hominum liceat hanc paginam nostre armorum approbacionis et denuo donacionis eorumdem quovismodo infringere aut ei ausu temerario quomodolibet contraire sub pena indignacionis nostrae regie nostrorumve successorum. In quorum fidem, robur et testimonium presentes literas nostras fieri et sigilli nostri regalis appensione iussimus communiri. Datum Prage feria secunda in die Scolastice anno Domini millesimo quadringentesimo septuagesimo septimo, regni nostri anno sexto. Ad relacionem domini Samuelis de Hradek et Walczow, succamerarii regni Bohemiae. Zachováno ve vidimátu kanceláře české komory ze dne 30. dubna 1650, uloženém v archivu Národního musea v Praze, odd. F. Jílové. — V pozdějších listinách není tato listina potvrzována. 1) V. Vojtíšek, O pečetech a erbech, str. 54. Čihák l. c. (2. vyd.), str. 100 mluví jen všeobecně o této výsadě. 178