plurima dampna et incomoda suscepit olim divo Georgio, Bohemie regi, ante- cessori nostro, nobisque hactenus fideliter assistendo. Qui quidem Johannes, ut eadem civitas post tot dampna consolari possit, una cum nonnullis civibus eiusdem nobis humiliter supplicaverunt, quatenus de benignitate regia ipsi civitati Lithomislensi theloneum maius seu alcius, quam antea tollere solebant, dare et concedere dignaremur. Nos itaque, qui fidelium nostrorum dilectorum comodis prospicere debemus, ut eadem civitas, quia sita est in metis regni nostri Bohemie, facilius pro tutando hostium impetu fortificari possit, votis iam dictis graciose annuimus. Quapropter non per errorem aut improvide, sed animo deliberato cum sano consilio principum, procerum aliorumve nostrorum fidelium de certa nostra sciencia auctoritate regia nominate civitati Litho- mislensi eiusque inhabitatoribus presentibus et futuris theloneum alcius seu maius, quam ante exigere solebant, damus, concedimus et conferimus gra- ciose, videlicet ut de rebus infrascriptis, que illuc deducentur, tollere, exigere, requirere et levare libere possint summam infra notatam: In primis de urceo lvini duos denarios, de vase maiori, dicto kauf, unum grossum album, de duobus autem Swidnicensibus similiter unum grossum album. Item de qualibet tuna alecum, medonis seu olei tres denarios, de cuppa maiori salis duos denarios, de quolibet centenario ferri calibis seu plumbi duos denarios, de uno lapide lane duos denarios, de equo iuvene tres denarios. Item de bove duos denarios, de una libra croci quatuor denarios, de panni stamine colorato medium grossum, de griseo autem duos denarios. De cucium una sexagena unum grossum album, de curru pleno rebus seu integro duos grossos albos. Item de curru, quo fru- mentum alias deduceretur, unum grossum album. De quolibet autem equo currui annexo unum denarium. Quod quidem theloneum durare volumus ad nostrum nostrorumve successorum, Bohemie regum, arbitrium et voluntatem. Prefate eciam civitati Lithomislensi eiusque incolis presentibus et futuris in- dulgemus, ad hoc quoque nostrum regium damus consensum, ut videlicet stratas seu vias circumcirca eandem civitatem iuxta tenorem suorum privi- egiorum et usum ab antiquo ab eis observari solitum libere tueri et defendere possint contradiccione procul mota. In quorum fidem presentes litteras nostras fieri et sigilli nostri regalis appensione iussimus communiri. Datum in Montibus Cuthnis die tercia Januarii anno Domini millesimo quadringentesimo septua- gesimo quarto, regni nostri anno tercio. Ad relacionem domini Wilhelmi de Ryzmberk et in Rabi, suppremi camerarii regni Bohemie. Pergamenový originál v archivu města Litomyšle, k listině je na bíločervených hed- vábných nitích přivěšena kulatá znaková pečeť, jen málo poškozená. — Na rubu: Rta. — Majestát krále Vladislava na obdarování důchodův a na větší clo etc. — Latinskaj. — No. 47 (vedle škrtnutého „18“). List latinský krále Vladislava skrze pana Kostku ob- darování cla. — 1474. — N. 57. Anno 1424. (červeným inkoustem). 161