innovare et confirmare dignaremur. Nos itaque subditorum nostrorum utilita- tibus et comodis, quantum possumus, libenter prospicere cupientes, votis iamdictis graciose annuimus. Quapropter non per errorem aut improvide, sed animo deliberato, cum sano consilio nostrorum procerum et fidelium, ex certa nostra sciencia, auctoritate regia supradictum privilegium olim divi Georgii, antecessoris nostri, una cum insertis in eodem et confirmatis privilegiis olim serenissimorum Johannis, Karoli et Sigismundi, predecessorum nostrorum, que quidem privilegia iamdicto opido Schonberg omnibusque ad idem perti- nentibus ac civibus et incolis eiusdem data et concessa ab antiquo fuere, ipsis presentibus et futuris cum singulis eorum libertatibus, iuribus, graciis et prero- gativis approbamus, ratificamus, innovamus et graciosius confirmamus in om- nibus punctis, clausulis, articulis et sentenciis generaliter universis, que in eodem privilegio et privilegiis continentur et exprimuntur, decernentes, ut omnia et singula in ipsis literis dicti opidi contenta perpetue obtineant firmum et validum robur. Et ut inhabitatores nominati opidi Schonberg et ville Brasne ad ipsum pertinente [!] ampliori dono gracie nostre regie sint consolati, eisdem et eorum succesoribus pro tempore existentibus eadem auctoritate regia hanc graciam damus, concedimus et largimur specialem, videlicet ut ipsi in monti- bus, collibus, silvis et planis ac in communibus areis, vulgariter dictis obce, quecumque ad opidum et montem Schonberg et ad villam eandem Brasne pertinent, ubique lepores capere et aves aucupare libere valeant et possint, semoto omni quorumcumque impedimento, perpetuis temporibus in futurum. Poterint eciam idem subditi nostri prefati opidi Schonberg et ville Brasne, ut eis his litteris nostris plenam conferimus potestatem, omnibus hominibus generaliter perpetue prohibere et defendere in ipsis bonis, que premittuntur, lepores capere aut alias feras sive aves aucupare, dumtaxat nobis et successori- bus nostris seu purgravio castri nostri Karlstein3) aut suo officiali, presentibus et futuris, exceptis. Nulli ergo omnino hominum liceat hanc paginam nostre confirmacionis et de novo gracie concessionis quovismodo infringere aut ei ausu temerario quomodolibet contraire sub pena indignacionis nostre regie nostrorumve successorum. In quorum fidem, robur et testimonium presentes litteras nostras et sigilli nostri regalis appensione iussimus communiri. Datum Prage feria tercia post beati Benedicti anno Domini millesimo quadringente- simo septuagesimo nono, regni nostri anno octavo. Ad relacionem domini Czenkonis de Clinsstein procuratoris. Pergamenový originál v archivu města Krásné Hory; z kulaté znakové pečeti z červe- ného vosku, přivěšené na bíločervených hedvábných nitích, zbyl nepatrný zlomek. — Na rubu: Rta. — Litt. B. a) Nutno doplniti fieri. 1) Listina z 10. prosince 1458 (výše č. 334). 2) V. pozn. 1—3 při téže listině. 3) Krásná Hora patřila ke Karlštejnu (J. V. Šimák, České dějiny I. 5., str. 998). 196