473. 1479 prosinec 22. Praha. Král Vladislav potvrzuje Blovicím, které patří nepomuckému klášteru, listinu krále Jiřího (z 30. května 1465) na právo volného prodeje a volného odkazu veškerého majetku jakékoliv osobě, ale jen světské. Wladislaus, Dei gracia Bofemie rex, Moravie marchio,]a) Lucemburgensis et Slesie dux ac Lusacie marchio etc., ad perpetuam rei memoriam. Super solium regalis eminencie celesti pietate evecti, tunc nostro consulimus fastigio, dum subditorum comodis, quorum felicibus prosperamus crementis, iugi solicitudinis studio benigne intendere properamus, unde quicquid a nobis nomine nostrorum petitur subditorum, dummodo iustum sit et honestum, id per solicitudinem nostri officii ad debitum perducere conamur effectum. Sane maiestati nostre pro parte opidanorum et incolarum opidi, dicti Blewicze, pertinentis ad monasterium Nepomuk ordinis Cisterciensis Pragensis diocesis,1) fidelium nostrorum dilectorum, humiliter supplicatum extitit et obnixe, ut de innata nobis clemencia atque regia benignitate peculiarem quandam graciam a dive olim recordacionis inclito Georgio, Boemie rege, antecessore nostro ultimo et immediato,2) ipsis concessam atque donatam, innovare, approbare, ratificare ac confirmare graciosius dignaremur, videlicet ut omnes et singuli eiusdem opidi municipes quelibet bona sua, in quibuscunque rebus consistant, mobilia et immobilia, quocunque designentur vocabulo, cuilibet hominum, tamen seculari dumtaxat persone, vendere, donare, testari atque legare et iuxta sue voluntatis arbitrium disponere in vita libere valeant atque possint. Si vero quispiam predictorum non facta suarum rerum ordinacione seu dispo- sicione nullis relictis heredibus legittimis intestatus decesserit, omnia bona sua, ubilibet locorum comperta, ad proximos decedentis consanguineos sexus utrius- que, in bonis dumtaxat predicti monasterii domilicium [!] habentes, libere ac hereditario iure devolvantur, quemadmodum in eiusdem concessionis literis nobis videndum et legendum exhibitis evidencius continetur. Nos comodita- tibus nostrorum subditorum proni atque eorum semper intenti profectibus, considerantes affeccionem singularem fidemque constantissimam dictorum opidanorum, quibus nostre celsitudini obsequuntur, non per errorem aut im- provide, sed animo deliberato, maturo et sano procerum et aliorum fidelium nostrorum accedente consilio prefatam concessionis huiusmodi graciam ratam et gratam habentes, eam auctoritate regia duximus innovandam et confirman- dam atque presencium tenore innovamus, confirmamus, ratificamus, appro- bamus et validamus, quam nostro, heredum et successorum nostrorum nomine volumus ac precipimus inviolabiliter observare, decernentes omnia et singula in eodem contenta obtinere plenam roboris firmitatem cum omnibus et singulis punctis, sentenciis et clausulis eiusdem, ac si de verbo ad verbum presentibus inserta et inserte existerent, supplentes omnem defectum de plenitudine regie 208