338 Decanatus Orziechowiensis f. 111 v Ecclesia in Hostuna, dicta die, hora vesperorum. Martinus,“) Blahut et Wlk, villani et consules ibidem, interrogati dicunt, quod Bohunko, cliens de Lidicz, accubet cuidam Byethe, mulieri tabernatrici ibidem in Hostuna, ex qua unum puerum generavit, qui est iam in uno anno. Martinus de Nova Pilzna, presbyter a IIIbus annis, interrogatus dicit, quod habet receptoriam Prage et literas sue promocionis. Cui dominus Paulus archidiaconus mandavit, ut infra VIII° dies doceat de dictis literis suis sub pena suspensionis ab ingressu ecclesie. Item dicit, quod est vicarius ibidem a festo sancti Galli [16. X.] anni preteriti.") Interrogatus dicit, sibi nichil constare. Dominus Martinus, plebanus ibidem in quinto") anno, interrogatus dicit, ut audivit, quod Adliczka, mulier ibidem, habens legitimum maritum, de cuius nomine depones ignorat, qui tamen ab ea recessit, adulteratur cum quodam Swachone, cliente de Praga. Aliud nescit. Eccl. in Hostuna: a) In marg. Testes. — b) Praeced. presentis del. - c) Praeced. VII del. Ecclesia in Hostivicz, dicta die, hora quasi vesperorum. Dominus Georgius, plebanus ibidem XXX annis, interrogatus dicit, quod ante XII annoſs] habuit Hostam concubinam, ex qua duos filios generavit, Nicolaum et Duchconem, qui iam sunt magni, qui resident in hereditate in Czrnomicz et Duchko habet uxorem, sed alter non. Et dicit, quod super dicto concubitu est secum dispensatum et iam XII annis nichil habet agere cum dicta Hosta. Item dicit, quod Zdenka, mulier ibidem reperta, sit uxor Johannis campanarii, sui consa[nlguinei. Item dicit, quod Garcio, Marziczko nomine, ibidem repertus, sit filius Marzce, mulieris de Praga, consa[n guinee sue, que Marzka tamen dicit, dictum Marziczkonem esse filium plebani deponentis, quem puerum ser- vat in dote sua a festo Nativitatis Christi [25. XII.] proxime preterito. Item Marziczko, predictus puer, interrogatus dicit, quod habet duos fratres magnos; unum Jeskonem, qui est textor pannorum Prage et alium Wenceslaum novem annorum, qui est cum matre sua Prage in Porziecz. Petrus de Unhosez, presbyter a XVIII° annis, Rome promotus, docuit de formatis et receptoria ad unum annum, vicarius a festo Assumpcionis sancte Anne [!] proxime preterito, interrogatus dicit, ut audivit, quod Marziczko, puer predictus, sit filius plebani, et dicit, ut audivit, quod ipse plebanus habet Maram concubinam Prage, quam sepissime visitat et ipsam procurat expensis et aliis.