268 Decanatus Kluminensis ƒ. 88 v Procopius) de Weltyez, procurator domini Borssonis, archidiaconi Be- chinensis, parrochianus ibidem, interrogatus dicit de concubina plebani per omnia prout supra, et dicit, quod plebanus, quando venit Pragam, habet hospicium circa Machonem, fratrem suum, Prage ex oposito institarum, ubi pannusd) venditur et ex oposito fabri in acie circa platheam novam et quando venit plebanus Pragam, tunc dicta sua concubina venit ad ipsum, que tamen moratur in plebe sanctorum Philipi et Jacobi apostolorum. Et Bohunko de Weltyez, predictus censualis domini Petri, vicarii prepositi Pragensis, semper ducit ipsi mulieri victualia et quocienscunque fuit visita- cio, semper dictus Bohunko iuravit, plebanum non habere concubinam ne- que pueros et non esse eam in domo neque aliquid scire de ipsa, que tamen semper falsa fuerunt. Item dicit, quod Lida, mulier predicta, est eis suspecta de concubitu cum plebano. Mathias de Praga, procurator in curia ibideme) Henzlini Glazeri, civi[s] Maioris [civitatis] Pragensis, interrogatus dicit, quod est a tem- pore novalium ibidem anni preteriti et dicit, quod ante festum sancti Wenceslai [28. IX.] anni preteriti vidit Manietham mulierem et unam virginem magnam in dote plebani. Aliud dicit, sibi non constare. Behunco [!] de Weltiez, laicus, iuratus et interrogatus, dicit de Ma- nietha, concubina plebani, prout supra, et dicit, quod ipse ante festum Pa- sche [25. III.] duxit IIII°r sexagenas ovorum pro dicta Manietha, sed ipsa ova reposuit circa Machonem, civem Maioris civitatis Pragensis, sed do- mum, in qua ipsa Manietha moratur, ignorat; et dicit, quod antea eciam duxit sibi victualia alia et dicit, quod quando plebanus venit Pragam ad dictum Machonem, tunc semper ipsa mulier venit ad plebanum, et dicit, quod ipse credit, quod nunc in Slana moratur. Dominus Wenceslaus, plebanus ibidem in Zdib VI annis, interrogatus dicit, quod habet Lidam ancillam a festo sancti Martini proxime preteriti. Item dicit, quod ante XVI annos fuit succentors) in Slana et medio tempore, cum iam fuisset diaconus factus, Manietham virginem defloravit et ex eadem filiam, nomine Dorotheam, generavit. Et postquam fuisset presbyter factus, de Slana recessit et fuit vicarius in Budina, que mulier tunc post recessum ipsius contraxit matrimonium cum quodam sartore, qui ex ipsa unum puerum generavit, nomine Byetham, que mulier tune recessit a dicto marito suo et ante duos annos interpellatim visitavit plebanum et mansit per aliquot septimanas cum pueris et iterum recessit. Et dicitur quod dictus vir ipsius mulieris vivit adhuc, ut audivit, quam tamen ipse plebanus coniacuit et ante festum sancti Martini proxime preteritum dicte mulieri dedit unam sexagenam et ipsam evasit, sed ipsa venerat ante carnisprivium ad dotem") et emit lacticinia, videlicet caseos et alia et demum recessit.