Karolus quartus, divina favente clemencia Romanorum imperator semper augustus et Boemie rex etc., notum facimus tenore presencium universis, quod homines et pauperes oppidani de Antiqua Pilzsna, nostri subsides et fideles, coram nostra celsitudine constituti, nobis penuriam suam, quam paciuntur propter instauracionem castri Karlskron in monte Radina de novo fundati,1) pascuis, quibus, ut consueverunt, in dicto monte circumquaque perfrui ne- queunt, et alia quam plura sua gravamina exponentes, nobis humiliter supplica- runt, ut de solita nostre pietatis clemencia ipsis favere et graciose concedere dignaremur, quod aliqua summa peccunie nomine census annui et losunge soluta per ipsos, deinde eodem anno et aliis subsequentibus annis ab omnibus aliis contribucionibus et exaccionibus, quas una cum civibus civitatis Nove Pilzne ab antiquo dare sunt soliti, forent penitus absoluti. Nos igitur consi- deratis dictorum oppidanorum gravibus dispendiorum defectibus et iacturis ipsosque volentes ab eorum inopia graciosius relevare, iustis eciam eorum peticionibus graciosius annuentes, auctoritate regia et Bohemie de speciali gracia et ex certa nostra sciencia statuimus per presentes, quod predicti opidani, videlicet quilibet eorum iuxta suum posse more inter eos hactenus observato burgravio novi castri Karlskron supradicti, qui pro tempore fuerit, absque dila- tacione qualibet solvere teneantur viginti octo sexagenas grossorum Pragenses [!] census nomine exnunc inantea anno quolibet, medietatem predicte pecunie, videlicet quatuordecim sexagenas in festo sancti Georgii et residuam medieta- tem in festo sancti Galli deinde proxime sequuturo de hereditatibus ipsorum omnibus sive bonis, soluto autem per ipsos censu annuo, ut prefertur, dictos oppidanos et eorum quemlibet a quibuslibet exaccionibus, contribucionibus, vecturis, robotis, muneribus, angariis et cuiuslibet alterius dacii solucionibus et prestanciis quibuscunque absolvimus, eximimus et libertamus et graciosius habere volumus liberos et exemptos berna regali duntaxat excepta, ad cuius solucionem seu dacionem prefati oppidani tenebuntur omnimode, quociens- cumque in regno Bohemie fuerit edicto regio proclamata. Presencium sub nostre maiestatis sigillo testimonio litterarum. Datum in Karlstein anno Domini millesimo trecentesimo sexagesimo primo, indiccione XIIII, quinto Nonas Julii, regnorum nostrorum anno Romanorum XVI°, Boemie XV, imperii vero septimo. V konfirmaci krále Ludvíka ze dne 20. června 1522, uložené v Ústředním zemědělsko- lesnickém archivu v Praze. 1) Stará Plzeň, Plzenec, s. o. Plzeň. — Městečko vzniklo ve 13. stol. z podhradí pod královským hradem na Hůrce; tehdy mělo již trh, ale městské svobody nedostalo. Ty byly totiž přeneseny na Novou Plzeň (= dnešní Plzeň), založenou kolem r. 1295 a výhodněji položenou nežli podhradské městečko, které bylo kromě toho asi po r. 1288 stiženo nějakou velikou pohromou. Stará Plzeň se stala pouhým komorním městečkem. — Ve 14. stol. zpustl i starý hrad na Hůrce, ale protože tudy vedla důležitá cesta, postavil Karel IV. na vrchu Radyni v letech 1358—1361 nový hrad a nazval jej Karlskron; to jméno se však nikdy ne- 124