predictarum villarum, ut quanto ipsos graciosius respexerimus, tanto uberius valeant emendari, intuitu premissorum graciam facere specialem, statuimus, decernimus et volumus perpetuis temporibus firmiter observari, quod sepedicti tam oppidi quam eciam predictarum villarum incole et eorum posteri imper- petuum de ipsorum hereditatibus supradictis, quas possident, non plus quam censum quadraginta quatuor sexagenas grossorum denariorum Pragensium in festo sancti Georgii et quadraginta quatuor sexagenas eorundem grossorum in festo sancti Galli, qui ab antiquis temporibus solvi consueverant, nobis, heredi- bus et successoribus nostris solvere tenebuntur et omnes labores et servitu- tes, exacciones, subsidia, vecciones sive alia gravamina et subsidia ipsis de novo excogitata hactenus deponentes eosque a dacionibus arre, anleit vul- gariter dictis, hereditatum mensuracionibus et maiorum censuum ultra con- suetum imposicionibus absolvimus ita, quod solutis et datis censibus .. iudici eorum, qui pro tempore fuerit, ad deportandum nobis, in nullo alio penitus sint astricti, sed omnibus iuribus et consuetudinibus observatis antiquitus perfruantur. Volumus eciam eos et eorum quemlibet ab omnibus violenciis et iniuriis quorumlibet defensare nec eis inferre per nos aliquas novitates seu ab aliis inferri permittere inconsuetas, per quas ipsi et eorum posteri possint aliqualiter perturbari. Preterea si eos ad gubernandum commiserimus vel forsitan necessitate coacti duxerimus obligandos, hiis eos in aliquo ultra censum consuetum non audeat nec debeat molestare seu quomodolibet perturbare. Statuimus insuper et volumus, quod .. iudex et iidem oppidani et incole predictarum villarum iure Maioris civitatis Pragensis gaudeant nec eos aliquis ad instanciam quorumcumque, et specialiter .. iudex nostre curie iudicare debeat, aut ipsi respondere teneantur cuiquam nisi coram .. iudice ipsorum ibidem in Wladislawicz vel subcamerario regni Boemie, qui pro tempore fuerit, in causis et casibus, qui ad subcamerariatus officium merito devolvuntur, super quibus .. iudex et oppidani in Wladislawicz necnon incole sepedicta- rum villarum ibidem in Wladislawicz et non alibi iure Maioris civitatis Pragen- sis respondere de se conquerentibus tenebuntur. Ceterum ad habundacioris nostre gracie cumulum prefato oppido et villis quatuor laneos pro pascuis com- munibus in loco, qui Wyssnowe nuncupatur, in qua parte acceptare curave- rint, damus, conferimus et donamus perpetuo possidendos, ut oppidani et in- cole sepedictarum villarum suam per hoc condicionem faciant meliorem. In cuius rei testimonium presentes scribi et sigilli maiestatis nostre munimine iussimus communiri. Datum Prage anno Domini millesimo trecentesimo quin- quagesimo secundo, indiccione quinta, VI° Kalendas Novembris, regnorum nostrorum anno septimo. Pergamenový originál, téměř zcela rozstřižený, v archivu metropolitní kapituly pražské, zn. X. I; k listině jest na hedvábných nitích zelené a červené barvy přivěšena kulatá majestátní pečet, v opisu poškozená, z vosku přirozené barvy. — Na rubu: Ao. 1352, regnorum Ao. 7, VI Cal. Novembris Carolus, Romanorum et Boemiae rex, opidanos in Wladislavicz 110