Nos Karolus, domini regis Boemie primogenitus, marchio Moravie, ad universorum noticiam tenore presencium volumus pervenire, quod nos, volentes comodis nostrorum fidelium iudicis, iuratorum et oppidanorum oppidi nostri Wladizlavicz1) et incolarum villarum Kruswiczan,2) Wrocznielohota3), Bukow- ska Lhota,4) Lacznicze,5) Sabowresk,6) Sbosnalohota,7) ad dictum oppidum pertinencium, providere, ut a servitutibus, quibus affliguntur per extranea regimina, eximantur, eorum igitur precibus inclinati favorabiliter eis annui- mus, ut se eximere et liberare a fideli paterno et nostro Ulrico de Kostelecz debeant9) et possint cum sexcentis sexagenis grossorum Pragensium, in quibus eos dominus et genitor noster carissimus obligavit. Et quia se suis pecuniis propriis liberaverunt, sub nostra proteccione et regimine persistere affectantes, promittimus sincere, quod sepedicti incole et eorum posteri in perpetuum de hereditatibus eorum supradictis, quas possident, non plus quam censum, videlicet quadraginta quatuor sexagenas in festo sancti Georgii et quadraginta quatuor sexagenas in festo sancti Galli, qui ab antiquis temporibus solvi con- sueverat, nobis et nostris successoribus solvere tenebuntur et omnes labores et servitutes, exacciones, subsidia, vecciones sive alia gravamina et subsidia, ipsis de novo excogitata, deponentes, eos a dacionibus arre, anleyt vulgariter dictis, hereditatumque mensuracionibus et maiorum censuum ultra consuetum im- posicionibus absolvimus ita, quod solutis et datis censibus iudici eorum, qui pro tempore fuerit, nobis ad deportandum, in nullo alio penitus sint astricti, sed omnibus iuribus et consuetudinibus antiquitus observatis perfruantur. Pro- mittimus eciam eos et eorum quemlibet ab omnibus violenciis et iniuriis defen- sare, nullas eis novitates facientes vel permittentes fieri inconsuetas, per quas ipsi et eorum posteri possint aliqualiter perturbari. Et si eos alicui ad gubernan- dum vel ad obligandum urgente necessitate concesserimus vel obligaverimus, is eos in aliquo quam in percepcione census consueti non audeat molestare, nec molestari aliqualiter permittemus. Volumus eciam, quod iidem iure civitatis Maioris Pragensis gaudeant, nec eos aliquis iudicare aut respondere nisi coram nobis et regni nostri camerario et iudice eorum teneantur. Preterea de speciali nostra gracia prefato oppido et villis antedictis quatuor laneos pro pascuis communibus seu communitate in loco, qui Wyssnowe nuncupatur, in qua parte acceptare curaverint, damus, conferimus et donamus. Promittimus insuper sepefatis incolis ad maiorem certitudinem et cautelam super hiis omnibus supradictis graciis, indulgenciis et libertatibus per nos eis concessis, confirma- cionis et ratificacionis literas domini et genitoris nostri, quam primum ad terram Boemie redierit,3) obtinere. In cuius rei testimonium atque robur pre- sentes literas fieri et sigillo nostro3) munimine iussimus communiri. Datum Prage anno Domini millesimo trecentesimo quadragesimo secundo in festo beate Katherine virginis et martiris gloriose. Pergamenový originál, uprostřed proříznutý, v archivu metropolitní kapituly pražské, zn. VII. 5; k listině jest na pergamenovém proužku přivěšena kulatá, ze dvou třetin zachovaná 74