228. 1422 srpen 22. Norimberk. Král Zikmund potvrzuje městečku Horšovskému Týnu privilegium císaře Karla IV. ze dne 18. února 1375 na clo. Sigismundus, Dei gratia Romanorum rex semper augustus ac Hungariae, Bohemiae, Dalmatiae, Croatiae etc. rex, notum facimus tenore praesentium universis, quod venientes ad nostrae maiestatis praesentiam incolae opidi dicti Thyn, fideles nostri dilecti, nobis humiliter supplicaverunt, quatenus ipsis literam seu privilegium serenissimi principis et domini, domini Caroli, Romano- rum imperatoris et regis Bohemiae, domini et patris nostri charissimi, super quodam theloneo in dicto opido Thyn instaurato innovare, confirmare et ratifi- care gratiosius dignaremur. Cuius quidem privilegii sive literae tenor sequitur et est talis: Carolus quartus, divina favente clementia Romanorum imperator etc. (Následuje listina ze dne 18. února 1375; výše č. 106). Nos itaque dictorum incolarum opidi Thyn, fidelium nostrorum dilectorum, supplicationibus tan- quam iustis et rationabilibus annuentes, attendentes nihilominus grata et accepta servitia, quibus nobis dicti incolae hactenus contra haereticos et Vikle- fistas Bohemiae multimodo complacuerunt, corpora et bona eorum periculis exponendo,1) quotidie placent et inantea placere poterunt et debebunt in futurum, idcirco non per errorem aut improvide, sed animo deliberato, sano etiam fidelium nostrorum accedente consilio et ex certa nostra scientia dictis incolis et opidanis in Thyn literam ante insertam innovavimus, ratificavimus et autoritate nostra regia Bohemiae gratiosius confirmamus, volentes et decernen- tes, ut dicta litera genitoris nostri in singulis suis articulis, punctis et clausulis perpetuam obtineat roboris firmitatem. Mandamus igitur universis et singulis nostris et regni Bohemiae subditis et fidelibus firmiter et districte, quatenus dictos incolas in praefato theloneo non impediant nec molestent, quin potius eosdem circa illud manuteneant efficaciter et defendant gratiae nostrae sub obtentu. Praesentium sub nostrae maiestatis sigilli testimonio literarum. Datum Norembergae anno Domini millesimo quadringentesimo vicesimo secundo sabbatho proximo ante festum sancti Bartholomaei apostoli, regnorum nostrorum anno Hungariae etc. tricesimo sexto, Romanorum duodecimo, Bohe- miae vero tertio. Známo jen z potvrzení horšovotýnských privilegií městem Plzní ze dne 17. března 1597, uloženého v městském archivu v Horšovském Týně. — Tamže i český překlad (ale neotiskuji jej, protože jde o pouhou konfirmaci). 1) Husité obléhali r. 1422 městečko a podnikli na ně i několik útoků, ale marně (A. Sedlá- ček, Hrady IX, str. 96). Regesta imperii XI, č. 5018, str. 354. 335