64. 1349 červenec 11. Bonn. Karel IV. dovoluje na prosbu opata a konventu cisterciáckého kláštera ve Zlaté Koruně ves (Horní) Planou na městečko vyzdvihnouti a uděluje mu týdenní trh každou sobotu. Městečko dostává soudní pravomoc s pranýřem a šibenicí. Karolus, Dei gracia Romanorum rex semper augustus et Boemie rex, ad perpetuam rei memoriam. Rex pacificus, qui de immenso sue pietatis munere dirigit universa, inter cetera sue divinitatis miracula nos quamvis insufficienti- bus meritis de consuete largitatis munere ad regni solium misericorditer evoca- vit, ut quanto maiori dignitate fulgemus prae ceteris, tanto ardenciori zelo ad eius laudem et obsequium, a quo et per quem regnamus et vivimus, nostra devocio inardescat ipsumque, qui extra petitis non eget, cum eius imperiis cuncta subesse noscantur, in subditis veneremur in hiis presertim, qui ad eius obsequia deputati sinceris devocionum affectibus famulantur eidem et ad ea frequentibus curis aspirant, que ipsius utpote omnium universalis domini concernunt gloriam et honorem. Sane attendentes preclare devocionis insignia et constantis animi puritatem religiosorum.. abbatis et conventus monasterii Sancte Corone ordinis Cysterciensis Pragensis diocesis,1) quibus ipsi Dei omni- potentis laudem et gloriam cottidianis virtutum affectibus iugiter venerantur, ad ipsorum profectus et commoda eo amplius eoque sincerius de regie benigni- tatis favore dignanter intendimus, quo per hoc graciarum omni dignissimo largitori gratum arbitramur et acceptum impendere famulatum, eapropter dictis abbati et conventui monasterii Sancte Corone prefati de regiae potestatis plenitudine auctoritatem et potestatem concedimus in villa monasterii, que Plana2) dicitur, opidum forense erigendi forumque omnium rerum vendibilium ponderis, numeri et mensure ibidem admittendi die sabbati cuiuslibet septi- mane,3) decernetes, quod supradictum opidum forense in Plana omnibus iudi- ciis, cyppo, patibulo, iuribus, graciis, libertatibus, emunitatibus et comodis perfrui et gaudere debeat, quibus opida cetera seu opidani regni nostri Boemie hactenus freti sunt et quomodolibet pociuntur. Inhibemus igitur omnibus nostris et regni nostri Boemie fidelibus, ad quos presentes pervenerint, ne prefatos abbatem, monasterium et conventum adversus presentis nostre largi- cionis indultum impediant seu impediri permittant sub pena nostre indigna- cionis, quam qui secus attemptare presumpserit, se cognoscat graviter incur- surum. Presencium sub nostre maiestatis sigillo testimonio literarum. Datum Bunne anno Domini millesimo trecentesimo quadragesimo nono, indiccione secunda, V° Idus Julii, regnorum nostrorum anno tercio. Per dominum cancellarium Johannes Noviforensis. — R. Pergamenový originál v zámeckém archivu v Českém Krumlově, zn. I. 5 A S n. 5 a; k listině jest na červenozelených hedvábných nitích přivěšena majestátní pečet ve dvou zlom- cich. — Na rubu: Admissio fori septimanalis in Plana per Karolum imperatorem. — 104