227. 1420 červenec 16. Praha. Král Zikmund potvrzuje Sokolovským [dříve Falknov] privilegium krále Václava IV. ze dne 28. srpna 1397. Wir Sigmund, von Gotes gnaden Römischer kunig, zu allen czüten merer des Richs, und zu Hungern, zu Behem, Dalmacien, Croacien etc. kunig, be- kennen und tun kunt offenbar mit disem brief allen den, die in sehen oder hören lesen, das fur uns komen sind unsere burgere und inwonere der stat zu Falkenaw und baten uns mit diemietigen flisse, das wir in ein privilegiumbrief und hantfesten. die in etwenn kunig Wenczlaw, unser lieber bruder, uber vernewunge irer brieve, rechte, gnaden und früheit, die in verbrant waren, ge- geben hat,1) von unser angebornen güte zu bestetigen, zu befestnen und zu confirmieren gnedeclich gerüchten. Des haben wir angesehen nucze und willige dienste und true, die die egenanten unsere burgere und inwonere zu Falkenaw uns, unsern vorfarn kunigen und der cron zu Behem erczeigt und getan haben, teglich tun und furbass tun sollen und mogen in kunftigen czüten, und haben in dorumb mit wolbedachtem müte, gutem rate und rechter wissen die egenanten ire privilegien, brieve und hantvesten, die in von unserm obgenanten lieben bruder, kunig Wenczlaw uber vernewunge irer brieve, rechte, gnade und früheit, die in verbrant waren, als oben geschrieben stet und als sie die redlich herbracht und erworben hant, gnediclich bestetiget, befestnet und confirmie- ret, bestetigen, befestnen und confirmiren in die in craft diss briefs und kunigli- cher macht zu Behem also, das si nu furbassmere in allen iren puncten, clauseln, artikeln und meinungen glicherweis, als ob si hierinne von wort zu worte ge- schrieben standen, craft und macht haben sollen zu ewigen czüten von uns, unsern nachkomen, kungen zu Behem, und susst allermeniglich ungehindert. Mit urkund diss briefs versigelt mit unserr kuniglichen maiestat insigel. Geben uf dem huse zu Prage nach Crists geburt vierczehenhundert jar und dornach in dem ezweinczigisten jare des nechsten dinstags nach sant Margarethen tag, unserr riche des Hungrischen etc. in dem vierunddrissigisten und des Ro- mischen in dem czehenden jaren. Per dominum G., episcopum Pataviensem, cancellarium, Michael de Priest, canonicus Pragensis. Pergamenový originál, vlhkem značně poškozený, v archivu města Sokolova; k listině jest na pergamenovém proužku přivěšena kulatá rozprasklá a částečně poškozená pečet z vosku přirozené barvy. — Na rubu: R. Henricus Fye. — N. 2 in Originali. — König Sigmunds confirmation. — A. I. 2. 1420 Dinstag nach Margar. 16. Juli. Sigismund con- firmirt Falcenau den Gnadenbrief Wenzels. — Original. 1) Ze dne 28. srpna 1397 (výše č. 161). Regesta imperii XI, str. 293, č. 4162. — Srv. Pelleter l. c., str. 18. 334