179. 1401 červen 29. Praha. Král Václav IV. potvrzuje bratřím Alšovi a Herešovi z Býchor a jejich po- tomkům držbu rychty v Bělé pod Bezdězem i právo volného naložení s ní, ovšem s povolením krále českého. Wenceslaus, Dei gracia Romanorum rex semper augustus et Boemie rex, notum facimus tenore presencium universis, quod cum iudicium in Alba Aqua cum omnibus et singulis iuribus, utilitatibus, usufructibus et pertinenciis suis, in quibuscunque consistant, ad Alssonem et Herssonem de Bichorn fratres, fideles nostros dilectos, rite et legitime pervenerit sintque eiusdem iudicii et pertinenciarum ipsius et iurium possessionem corporalem et pacificam assecuti, nos non per errorem aut improvide, sed animo deliberato, auctoritate regia Boemie et de certa nostra sciencia possessionem dicti iudicii in Alba Aqua per prefatos Alssonem et Herssonem, ut premittitur, assecutam, ratam habentes et gratam, approbamus et auctoritate regia predicta graciosius confirmamus, sic videlicet, ut dicti Alsso et Hersso ac heredes et successores ipsorum dictum iudicium cum omnibus et singulis iuribus, utilitatibus, obvencionibus et per- tinenciis universis, prout in literis pie recordacionis quondam domini Karoli, Romanorum imperatoris et Boemie regis, genitoris nostri carissimi, continetur plenius,1) habere, tenere et impedimentis quibuscunque non obstantibus debeant pacifice possidere, facientes nichilominus prefatis Alssoni et Herssoni hanc nostram graciam, ut ipsi, heredes et succesores ipsorum prefatum iudi- cium in Alba Aqua cum singulis suis pertinenciis de speciali tamen nostra licencia vendere, obligari, permutare, alienare seu de eodem disponere poterint, prout ipsis placuerit seu visum fuerit expedire. Inhibemus igitur universis et singulis nostris et regni nostri Boemie officialibus, fidelibus et subditis et signan- ter magistro civium, consulibus iuratis et communitati civitatis in Alba Aqua, qui nunc sunt vel pro tempore fuerint, firmiter et districte, ne prefatos Alssonem et Herssonem, heredes et successores eorum, in prefato iudicio quovismodo im- pediant seu impediri per quempiam paciantur, sed pocius circa idem nostro nomine manuteneant fideliter et conservent, prout indignacionem nostram gravissimam voluerint arcius evitare. Presencium sub regie nostre maiestatis sigillo testimonio literarum. Datum Prage anno Domini millesimo quadringen- tesimo primo in festo sanctorum apostolorum Petri et Pauli, regnorum nostro- rum anno Boemie tricesimo nono, Romanorum vero vicesimo quinto. Ad relacionem Sigismundi subcamerarii Franciscus, canonicus Pragensis. Pergamenový originál v archivu města Bělé pod Bezdězem; k listině jest na pergamenovém proužku přivěšena kulatá majestátní, pouze z 1/4 zachovaná pečet z vosku přirozené barvy. — 259