234. 1423 listopad 27. Vilém z Ronova a na Lípě dává svému městu České Lípě právo města Žitavy. In Gotis namen amen. Wir Wilhelm von Ronow, herre zur Leipen,1) vor uns und unsere erbnemen bekennen und tun kunt mit dieszem unserm brief allen den, die nue sin adir zukumftig werden, das wir haben angesehen di fleissigen dinste und gancze truwe unser lieben getruwen, burger unser stat Leipe, die sie uns ofte irzeigen und fleissiglich irzeiget haben mit willigem mute noch unsir gier und wollen mit fleisze, als wir in schuldig sein, iren gemache, nutze und fromen vorsteen, dencken und trachten gnadiclich mit geneitem willen also, das sie sich undir unser gnadigen herschaft merten und beserten und in rechter geordenter sicherheit des rechten gewachsen mochten an eren und an gutern, und haben noch iren gier und fleissigen beten in gegeben und vorlien und vorlien und geben vornemelichen in diesem brief, in und allen iren nach- komelingen vorbas ewiclichen alles das recht allir sachen hochister, mittelster und niderster, nichtes ausgenomen, das die erber stat Sittaw2) und alle ire inwoner, burger derselben stat hat und haben, und darinne sie sitczen und sein gesessen also, das die eegenanten unser burger und alle ire nochkomelinge dasselbe recht unwedirruflich haben, halden und pflegen sollen in allir masze und ordenunge als die Sittawer nue und ewiclichen und globen in bei unsern guten truwen und eren vor uns und unsere erben und nochkomelinge, herren czur Leipen, das wir die oftgenante unsere burger daran nimmer hindern wollen noch lassen hindern unsere amechtlewte mit worten noch mit werken, sunder sie dobi zeu behalden und czu beschirmen ewiclich ungehindert, auch sie noch irer kein wedir dasselbe recht und wedir des rechtes ordenunge mit unser gewalt in keinerleie weisse besweren. Und alle herschaft und gerechti- keit, die sie iczund haben adir hirnoch hetten sie und ire nochkomelinge, sie weren geistlich adir wertlich, allhie adir anderswo, die sie mit der lanttofel adir mit briefen adir mit der ackte dirczeigen und beweisen mochten, globen wir eegenanter herre Wilhelm von Ronow bei unser guter truwe und eren vor uns, unsir erben und nochkomelingen sie daran nimmer czu hindern noch ire nochkomelinge mit keiner gewalt darin czu greifen. Des sint geczewgen der edle herre herre Jaroslaw Berka von der Duben czum Mulstein gesessen und die gestrengen Hans Welfel von Warnsdorf czum Birkenstein gesessen und Henrich von Uchterwicz of der Landscron gesessen und Althanns von Gusk und Nikel von Gusk gebruder, Jon von Rochow zu Libiessicz gesessen, Sigmund von Bernstein, Janke von ze Wsseyan, unsere lieben getruwen, di ire ingesigel czu unsers selbis ingesigel czu einem gezewgenisse dieser sachen durch unser bete willen haben an diesen brief gehangen. Der gegeben ist noch Crists geburt vierczenhundert jar, dornoch in den dreiundezwenczigisten jaren am sonobende noch sand Katherine tag. 342