habt haben bisher und besundern die hernach geschriben steen: Czum ersten wenne is dem herrn nicht not ist sein getreide czu sneiden und in robot snitter oberbleiben, so sal man dem herrn vor itlichen solchen snitter einen groschen geben und nicht mer. Item die aus dem stetel, die sollen dem herrn daheime sneiden und nicht anderwo. Item wer es sache, das imant in dem stetel sturbe, is were man ader weip, und nicht eliche kinder hinder in liessen, so sal solich gut und erbe, waran das gelegen were, farnde und unfarnde, wie man das mit besundern worten benennen mag, das sie nach irem tode gelassen hetten, kommen und gefallen an die nehste frunde ungehindert und dovon sal man dem herrn einen kalacz geben nach gnaden. Item wer es sache, das imand also arm were, das er dem herrn nicht vormochte sein czinsgetreide czu geben, so sal er dem herrn je vor ein strich korns vir groschen und vor ein strich habern drei groschen geben. Item wer es sache, da Got vor sei, das imande sein gebewde abbrente ader sich welde einer wustenunge underwinden und bawen, darczu sal im der herre czimmerholcz ein notdurft geben. Item der herre sal ein brew- haws bawen und das bessern, wenne das not wirdt sein, und darinne eine pfanne, butten und ander gerete schicken und schaffen, was darczu gehort. Und wer darinne brewen wirdt, der sal dem herrn geben czwene groschen und einen czober mit trebern. Item wer es sache, das imant sein gut ader erbe, is weren hewser ader ander dink, vorkawfen welde und des nicht gehalden künde ader im sust nicht eben were da czu wonen, so sal in der herre lassen abeczihen, wenne er das beseczt mit eime andern frommen wolgehalden manne. Und damit bestetige wir in alle ire gewonliche czinse und sollen daruber nicht hoher gedrungen werden von uns, von unsern erben noch von allen nachkumlingen. Dez alles czu eime rechten waren urkunde haben wir obingenanter Wilhelm von Ilburg unser eigen erbinsigel gehangen an diesen offen brif und czu ge- czügnisse die namhaftigen Hes von Slawetin, Jan Bawor von Mieronicz, czum Newendorf gesessen, und Merten von Cleinen Selnicz, czu Ugest gesessen, ire insigele neben das meine gehangen haben, in doch unschedlich. Der gegeben ist nach der geburt Cristi unsers herrn tusent virhundert und in dem dreiund- virczigisten jare an dem nechsten dinstage nach unser frawen tage Licht- weige. Pergamenový originál v archivu města Chomutova; ze čtyř pečetí jest zachována pouze druhá a třetí, obě kulaté a z černého vosku. — Na rubu: Herr Wilhelm von Illenburg. A. 1443. — Collatum et concordat cum copia. XVII. die Xbris A. XCVII. — ... Registrator. — No. 1. — No. 1. a) Nadepsáno stejnou rukou nad řádek. 1) Syn Půty z Ilburka (A. Sedláček, Hrady XIV, str. 266). 2) Jirkov, jinak též Borek, s. o. Jirkov. — Městečko vzniklo někdy ve 14. stol. ze vsi pod hradem Borkem, jinak Červený Hrádek zvaným. Městečko bývalo rozděleno mezi několik vrch- ností, až počátkem 15. stol. bylo spojeno pod vládu jediného pána. Po husitských válkách koupil hrad i městečko Půta z Ilburka (A. Sedláček, Hrady XIV, str. 265—266). 3) Červený Hrádek, s. o. Jirkov. 403