84 zu jn nemen und rieten jm off welchen Dag und an was Stat unser Herre der Konig komen solt und also was der Fürsten und auch der Stette Meynung und Antwort, dass in nit geburt noch zugestande sin Gnaden Stat noch Tag zu bescheiden, doch solten sic sin Gnaden raten, so were jr Meynung vnd Rat, wolt unser Herre der Konig mit sime selbist Libe in Dutschen Landen, dass sin Gnade qweme gen Nurenberg, wolt er aber sin Räte schicken, dass die qwemen gen Franckford und dass der Dag were vff den ersten Sondag in der Fasten Invocavit (5 Mart. 1430) und vff solichen Rat retden unsers Herren des Königs Räte, sin Gnade hette allein Rates gefraget umb den Dag und nit von der Stat und also vff den Abend qwemen aber unsers Herren des Konigs Räte und retden unser Herre der König were etwas krang und sunderley in des Mondagen wer er krancker dan in andern Monden, und darumb so meint er vff den Dag kommen in das Lande gen Osterich, dan jm were der Wege zu ferre hynuss gen Nurenberg zu komen, also blieben die fürsten by jr ersten Meynung und hetten jm das by jren Eyden geraten, darby wolten sie es noch bliben lassen, aber der Stette Frunde Antwort was, wie sich unser Herre der Konig und die Fürsten des Dages und der Stat vereynigen werden, das wolten sie gern an jr Frunde hindersich bringen. 624. 1429, Dec. 18, 20. Anonyme Warnung vor den Anschlägen der Hussiten, welche nach ihrem Zuge gegen Meissen alle Sechs Lande und Städte und ganz Schlesien zu „bezwingen" vorhaben. (Scultetus II, 86 [ad ann. 1429].) Anonymus ad senatum Gorlicensem. Meinen stetin getruwen dinst alzeit williglichen bereit oc. Ich habe nest uwerm Bürgermeister müntlichen wol awsz- gericht, mit welcher hinderlistiger gescheydikeit vnser fynde dy Ketzer durch jren Reysigen gezewg betrigelichen meynen er- schleichen dese Stete alhy im Lande, ader dy in der Slesia oc. Als habin sy sich zu Prage nest im Rathe des voreynet: Ists