2 10 Serenissime princeps, frater et compater noster carissime! Novissime dum per barones, nobiles, communitates ac alias spirituales et seculares personas regni Bohemiæ in festo sanc- torum apostolorum Philippi et Jacobi (1 Mai) Pragæ celebra- retur generalis conventio, quidam ex potioribus eorum nobis secrete intimarunt, quod si adhuc amplecti vellemus vias in Posonio superiori tempore agitatas, quatenus ex tunc dignaremur nuntios nostros ad ipsam diaetam transmittere; quoniam ipsi essent in firma spe, quod facta illa dante domino ad bonum cedere deberent profectum. Et quamquam nos in proxima con- ventione Electorum et aliorum principum nostrorum, nobilium et civitatum imperii in Nurmberga, ipsorum votis et consiliis concurrentibus, potentem exercitum instauraverimus ad repri- mendam ipsorum Bohemorum insolentiam contra eos deo auspice processurum: tamen inhærentes solitæ mansuetudini nostræ, tracti denique naturali affectione, quam semper habuimus, et ad reductionem ipsius gentis Bohemicæ, pro qua quidem complenda sæpenumero nec rebus nec personæ pepercimus, nuntios et mi- lites nostros notabiles in medio ipsorum versus Pragam trans- misimus, ad aptandum modos convenientiores qui exquiri possent pro reductione ipsorum; et hoc ideo, ut utique nihil, quod in re illa posset conferre, per nos intemptatum maneret; arbitrantes omnimode grande obsequium deo per ipsorum conversionem, ut eo modo cædes, christiani sanguinis effusio et infinita ortho- doxorum discrimina vitarentur. Qui quidem nuntii nostri ora- tores pro omnibus exercitibus, baronibus et communitatibus ipsorum, demptis solum Orphanis et Nova civitate Pragensi, ad hanc civitatem nostram Egrensem sub nostra securitate duxerunt. Verum frater carissime! quia existentibus nobis in Bamberga et in via huc veniendi præsentata nobis Vrae Frat. litera, in qua nobis describitis, qualiter iidem Bohemi nuntios suos apud Vram Frat. habuerunt, quos etiam ipsa Vra Frat. melioribus modis ad- hortata sit, ut dimissis erroribus ad obedientiam S. Rom. Eccle- siæ et catholicæ fidei unitatem redirent: qui habitis delibera- tionibus, Vrae Frat. responderunt, quod in futuro et proximo generali celebrando concilio, habito sufficienti et securo salvo conductu comparere vellent, sub certis tamen conditionibus, quæ vobis et peritis vestris minime placuerunt; requisivit tamen eos