114 653. 1430, Febr. 12e (Nürnberg). Derselbe an den Rath von Frankfurt am Main: Entschuldigung des mit den Hussiten geschlossenen Friedens 3c. (Nürnberger Missiv-Buch VIII, fol. 235 b.) Den von Franckenfurt. L. Fr. Ms Ir vns verschriben vnd gebetten habt, ewerm burger vnd werkman vnterweisung bey vns zu tun oc., das haben wir wol vernomen, vnd haben das vmb cwern willen ett- lichen vnsern freunden zu tun befolhen. Vnd als Ir vns ge- betten habt, ewer weisheit von der vnglewbigen Hussen von Beheim Handel vnd gelegenheit zuuerschreiben, lassen wir ewr ersamkeit wissen, daz die mit grosser macht des zugs von erst in dem Lande zu Meichsen, darnach dem Herren von Plawen vnd dadannen an vnd in vnserr gnedigen Herren ... des Marggrafen von Brandemburg ... des Bischofen von Bamberg, Landen, slossen, Lewten vnd guten vnd an andern lewten vncz bey III meylen wegs von vnserr stat, grossen jammer, mört, prant, scheden vnd übeltet bis her laider on allen widerstant türsticlich begangen vnd getriben haben. Vnd wan sölliche rettung, macht vnd hilff als denn darczu not gewesen wer, laider niht hetten vnd in kürcz niht getrawten zu gewarten, noch zusamen zu bringen, so haben der vorgenant vnser Herre... der Marggraf von seinen vnd vnsers Herren des bischofs von Eystett wegen, vnser Herre Herczog Johan von Peyern, die Erwirdigen edeln vnd erbern... die pflegere des stifts zu Bamberg... der vicztum von Amberg vnd auch wir, darumb daz Irer gnaden vnd vnser Land, Lewt vnd gütere icht gancz zu grunt vnerwert verderbt wurden, vnd daz wir der heiligen cristenheit vnd vns selbs hienach dest bas hilfflich mugen seyn, mit denselben Heeren der Hussen, der sic fünfe haben, einen weg getroffen (vnd für bas per omnia als der gesellschaft brief mutatis mutandis). Datum ut supra.