213 neque ulla suspicio nos pungebat, de proposito et voluntate ducis Litwanie, sed cum omni ratione et precipne ob causam hanc Antonium transmissimus ad eas partes, ut de parcium com- posicione ageret ex consilio sublimitatis tue, — sibi dedimus in mandatis, ut primo proficisceretur ad te tanquam ad caput hujus concordie procurande, tibique per eundem super ista materia scribebamus, Sed ipse proficiscens in Poloniam, ex itinere nobis scripsit propter turbaciones viarum se non posse ad presenciam tuam venire; quod an verum fuerit alias apparebit. Comisimus eciam ei ut si ad votum composicio non succederet, certas susci- peret informaciones, nobisque deferret, ut partes cessarent in- terim ab offensis, ne sequeretur offensio (sic) sanguinis christiani et nos haberemus prouidendi facultatem. Nulla preterea a nobis eidem Comissio data fuit, nec de reducendis hereticis, nec de tua infringenda sentencia, nec de cuiuspiam alterius rei trac- tatu. Si uero ipse recitat aliud et procacius loquitur quam con- ueniat modestie nuncii nostri sicut scribis, certe hoc non facit ex nostra sciencia et voluntate. Nos uero miramur, quia vir moratus esse consueuit; sed super hiis alias cognoscetur. Ipsum enim dudum reuocauimus, quamprimum per alias tuas litteras nobis innotuit solum pro facto sententie tue operaciones suas tue excellencie non placere, Et si in rebus eciam grauioribus animum tuum temere offendit, senciet nos ab eo simul offensos esse, qui honorem tuum carum habemus et eum cupimus quan- tum cum deo possumus conseruare et eciam ampliare. Neque enim quisquam potest veraciter dicere, quod auctoritate nostra quispiam christianus princeps in officio reducendorum hereti- corum tue sublimitati prelatus sit, Scimus enim hoc ad te prin- cipaliter pertinere et propter Romani Imperii dignitatem, et quia tua interest Regnum tuum recuperare et coinquinatum tanta heresis labe purgare. Quanquam fili Carissime quacunque uia recte reducerentur heretici ad veritatem et debitum cultum dei, non posset a nobis et Ecclesia reprobari. Sed nos in hac causa semper te principem fecimus ut par fuit, omnesque alios prin- cipes et fideles semper fuimus hortati, ut tibi pro causa fidei laboranti quibus possent auxiliis subuenirent. Et hiis mandatis instruximus dilectum filium nostrum Brandam tituli sancti Cle- mentis presbiterum Cardinalem Apostolice sedis legatum ad te