INTRODUCTIO. I. — De Bohuslai Hassensteinii vita et operibus. A) Vita. Bohuslaus Hassensteinius (Hasisteinius) baro a Lobkowicz a. 1460 vel 1461 in arce Hassenstein (Hasistein) in Bohemia occidentali e nobili familia ortus est. Avus eius Nicolaus (†1435), qui Montibus Cutnis (Kutná Hora) scriba urburarius fuit, a. 1409 curiam Lobkowicz (Lobkovice) ad Albim fluvium sitam emit et a. 1418 arcem Hassenstein acquisivit. Bohuslai pater Nicolaus (†1462) ab anno 1459 baro, Georgii de Podiebrad assectator, quat- tuor filios reliquit. Quorum natu maximus loannes (1450—1517) in oppido Cadana (Kadan) residens libris Bohemice scriptis (Praecepta ad filium, 1504; Peregrinatio ad loca sancta, 1505) inclaruit. Bohuslaus natu minimus nomen poetae Latini clarissimum est consecutus. Bohuslaus annis 1475—82 Bononiae et Ferrariae cum litteris Graecis et Latinis imbuebatur, tum studiis canonicis operam dabat; 26. Nov. 1482 Ferrariae decretorum doctoris gradum adeptus est. In Italia, quamquam domi a Calixtinis educatus est, Romanorum fidem adamavit. In patriam reversus praepositus Wyssegradensis (Wissegrad, Vysehrad in Bohemia prope Pragam) factus est, sed ad ampliorem dignitatem ecclesiasticam promoveri cupiebat. A. 1487 et proximis Pragae in cancellaria Vladislai regis Bohemiae versabatur. A. 1490 Italiam fere totam peragravit et insulas Graecas, Asiam Minorem, Sy- riam, Aegyptum, Tunetem adiit. Graeciam ipsam conspicere ei non contigit, Etenim ex itinere spe episcopatus Olomucensis adipiscendi in patriam revo- catus est. Quamquam autem capitulum, barones et rex eum commendabant- primum Innocentius VIII. pontifex cardinalem Ardicinum (1490), deinde Alex- ander VI. Ioannem Borgiam cardinalem Montis Regalis (1493), postremo Sta. nislaum Thursonem (1497) ei praetulerunt; etiam spes episcopatum Vratisla- viensem assequendi (1500 et 1503) eum fefellit. Interim Bohuslaus plerumque in arce sua Hassenstein commorabatur et litteris incumbebat cum permultis viris doctis commercio litterarum coniunctus et in codicibus Graecis librisque Latinis coemendis nulli pretio parcens. A. 1500 in Bohemiae comitiis sodalis collegii baronum et equitum electus est, qui antiqua regni privilegia perlu- strarent eorumque indicem conficerent. A. 1502 Bohuslaum academia potius virorum doctorum quam cancellaria allectum a. 1502 iterum, tunc Budae (in Hungaria), in numero aulicorum invenimus Vladislai, qui a 1490 Hungariae quoque rex creatus est. Sed iam a 1503 Bohuslaus a curia regia et rebus publi- cis in Bohemiam in bibliothecam suam recessit. In arce sua mense Novembri a. 1510 mortuus est. B) Opera. a) Opera, quae supersunt: Carmina. — Epistulae. — Scripta moralia: De miseria humana, De avaritia, De felicitate, De philosophorum nugis. — Oratio ad Argentinenses in genere demonstrativo pro Petro Schotto Argentinensi. b) Opera deperdita: Annales Bohemiae. (Codex manu scriptus olim in bibliotheca Hassensteiniana servatus videtur periisse.)—Hodoeporicon. (Utrum- que opus sibi Cadana missum iri Thomas Mitis iam a. 1570 frustra spera- vit.) — De re publica administranda. (Hoc opus, quod Bohuslaus in epistulae lon- gissimae forma a. 1497 ad Petrum de Rosenberg regni Bohemiae supremum capitaneum misit, tantum e versione Bohemica s. XVI. ineunte confecta no- vimus; versionis huius textus apud J. Truhlár, Listár Bohuslava Hasistein- ského z Lobkovic, Praha, 1893, pp. 78—103 excusus invenitur.)