Ferd. Menčík: 330 et dabis in scriptis sermonem illum, 1) ne immutentur verba tua, et ut materia divulgetur, ut mali in timorem mittantur et boni Deo ferventius famulentur. Secreta vero hujus rei domino suo pontifici reservabis.“ Igitur non ita praedicavi in capitulo ecclesiae S. Petri sicut hic scribo, imo nec domino inquisitori nec alicui dixissem, nisi coactus per officium domini inquisitoris, expectans moderamen et licen- tiam in hoc domini nostri papae. Cap. 2. Haec itaque sentio ex spiritu, qui in me loquebatur, quod Antichristus venit, ex annis Danielis (C.) 12°, ubi legitur, quod a tempore,2) quo ablatum fuerit juge sacrificium, et posita fuerit abho- minatio in desolationem, dies MCCXC: Beatus, qui expectat et perve- nit usque ad dies MCCCXXXV°. Juge sacrificium fuit ablatum anno passionis Christi, quia sacrificium Judeorum per mortem Christi ita ablatum fuit, quod ammodo 3) efficaciam non habuit vel quia tunc Chri- stus per mortem carnis 4) ablatus fuit, qui est juge sacrificium non figuratim. Abhominatio autem desolationis vel desolationem futuram indicans incepit eodem anno passionis Christi, quando Pilatus posuit imaginem Caesaris (sive idolum) 5) in templo; et completa est, quando Titus et Vespasianus destruxerunt Jerusalem cum templo 6) XLII°. anno post passionem Christi. Recipiendo ergo diem pro anno in utroque numero secundum illud diem pro anno, dedi tibi : Tunc primus numerus Danielis, videlicet annus MCCXC, incipiendo eum computare a destruc- tione facta per Titum et Vespasianum, completus est anno a Domini nativitate MCCCLXV, videlicet ante duos annos eo tempore, quo dominus Imperator sanctitatem ) de Avinione versus Almaniam deduxit volens eam dispergere, ut narratur. Secundus autem numerus vide- licet MCCCXXXV. numeretur ab anno passionis Christi, quo ablatum est juge sacrificium, et sic invenietur esse completus anno praesenti, a nativitate Christi anno MCCCLXVII. Annus quia MCCCXXXV et illi anni, qui fuerint a nativitate Christi usque ad ejus passionem, directe faciunt annos MCCCLXVII. Beatus ergo, qui usque ad hunc annum beatitudinis pervenit, non ut sit beatus in pace, quam dat mundus, quia illam non attulit Christus et Ezechias praedixit eam esse malam, dicens : Ecce, in pace amaritudo mea amarissima; sed beatus secundum illud evangelii: Beati, qui persecutionem patiuntur propter justitiam, et maxime propter verbum Dei, et hoc sub Antichristo, qui venit. 1) A. istum. 2) B.: quod tempus. 3) B. schází. 4) A. crucis. 5) B. schází. 6) B. templum. 7) B. C. societatem.