164 CCXXII. Conradus, episcopus Olomucensis, confirmat translationem jurium parrochialium ab ecclesia b. Mariœ in Antiqua Bruna ad ecclesias S. Wenceslai ibidem et in villa Komín. Dt. in Olomucz, anno 1323. Conradus dei gracia Olomucensis Episcopus Vniuersis Christi fidelibus presentem paginam inspecturis Salutem in Domino sempiternam. Dum precelsa meritorum insignia quibus Regina celorum, virgo dei genitrix gloriosa, sedibus prelata sydereis, quasi stella matutina prerutilat, deuote consideracionis indagine perscrutamur, Dum eciam intra pectoris archana reuoluimus, quod ipsa, vtpote mater pietatis et gracie humani generis consolatrix, pro salute fidelium peruigîl exoratrix ad Regem quem genuit intercedit, Dignum esse conspicimus et saluberrimum arbitramur, vt in ecclesijs ad sui laudem nominis dedicatis Diuinum cultum intendere et augere uotiue volencium voluntates, fauoribus quibus possumus prosequimur. Cvm itaque Serenissima domina Elizabeth quondam Boemie et Polonie Regina de propria salute cogitans, et cupiens terrena pro celestibus et transitoria pro eternis salubri commercio commutare, nobis cum instancia deuocius supplicauit, Quatenus cum ipsa parrochialem eccle- siam sancte Marie in antiqua Brunna, cuius ad ipsam iuspatronatus pertinere dinoscitur, in Monasterium sanctimonialium, ordinis Cysterciensis, erigere et ordinare, ac Monasticis Regulis informare sibique de Redditibus sufficientibus prouidere decreuerit, Necnon aliam parrochialem ecclesiam de nouo in villa Cvmeim, que de plebe dicte ecclesie hactenus fuisse dinoscitur, suis construere sumptibus, de nostra tamen licentia inchoauerit. Jura parrochialia de eadem ecclesia sancte Marie, ad ecclesiam in Gvmein transferre, et incorporare in perpetuum et vnire, certosque Redditus ipsi ecclesie sancte Marie reseruare, et dicte ereccioni vna cum Capitulo Olomucensi consentire fauorabiliter dignaremur. Nos, qui ipsius domine Regine de- uotum propositum in domino multipliciter commendamus, eius pijs desiderijs assensum nostrum prebere facilem cupientes, perspicatius aduertendo, quod bone rei dare consultum est presentis vite reperire subsidium, et eterne remuneracionis premium expectare, Quodque ex ordina- cione et ereccione huiusmodi cultus diuini nominis euidenter augebitur, et perampliori decore resplendere poterit aula dei, de nostri Olomucensis Capituli conniuentia et assensu, Diligenti deliberacione et tractatu sollempni prehabitis, decernimus, statuimus, et ordinamus, vt dicta ecclesia Sancte Marie in ius et naturam Monasterij transeat, ac ipsa Monasterium seu ecclesia Conuentualis existat, et semper iure ac honore Monasterij decetero pociatur ab eadem Con- uentuali ecclesia seu Monasterio iura parrochialia ad ecclesiam in Gymein, que de nostra licentia sumptibus dicte domine Regine construitur, transferentes, ipsa sibi in cooperando et incommutabiliter vniendo, Nolentes, vt eadem ecclesia deinceps, parrochialis ecclesia in omnibus suis iuribus censeatur, Et ut ipsam veluti suam parrochiam, et eiusdem in Gvmein ac in Judendorf, ac in Zebrawicz, et in Manicz villarum homines pro audiendis diuinis et perci- piendis ecclesiasticis sacramentis, in perpetuum accedere teneantur. Rector quoque eiusdem ecclesie qui pro tempore fuerit, ab hominibus dicte ville in Gvmein, qui hactenus per tria capicia persoluerunt, de quolibet laneo ex nunc in antea, de tritico, siligine et auena, in-