144 deum et ecclesie relaxauit antedictos Laneos minus quartali pro se et pro ecclesia tenere debeat more pristino et consueto. Post discessum vero ipsius Domini Ottonis prenotati. Sidlo et Chunradus, ipsos Laneos tenebunt tam diu, quousque successor vel alter plebanus ipsius ecclesie Septem Marcas dictis Sidlino et Chunrado reddiderit integraliter et ex toto, adhuc ipsis tenentibus dictos laneos censuare tenebuntur de eisdem, sicut et alij Lanei vt iustum fuerit annuatim, nullis excepcionibus additis vel adiectis, et vt premissa omnia et singula maiori fulciantur robore firmitatis, presentem litteram in sufficiens testimonium nostris Sigillis duximus roborandam. Datum et Actum Anno Domini Millesimo Trecentesimo, vice- simo primo. VIII°. Kalendas Octobris. (Orig. membran. cum duobus sigillis parvis læsis in archivo monasterii „Aula S. Mariæ“ apud C. R. Gubern. Brunm sub lit. J. n. 2.) CXC. Johannes, rex Bohemiæ, mandat Stephano notario terrœ et burgravio in Lichtenburg, ut monasterium fontis S. Mariæe in Saar circa privilegia a nobilibus de Lichtenburg concessa non molestet. Dt. Chrudim fer. III. ante festum S. Mathœi. 1321. Johannes dei gracia Bohemie et Polonie Rex ac Lucemburgensis Comes, fideli suo dilecti Stephano terre Notario pro hac vice Burggravio in Leuchtenburch, seu illi, qui pro tempore ibidem Burggravius fuerit, graciam suam et omne bonum, Vidimus literas deuotorum nobis Abbatis et Conuentus monasterij fontis Sancte Marie in Saar, et perspeximus illas et vniuersas gracias eidem Monasterio per quondam pie recordacionis Nobiles de Leuchtenburch factas, et suis literis roboratas considerauimus diligenter, circa quas et Nos in remedium anime nostre, cum id pium fuerit et Deificum, irreuocabiliter apud vigorem earum volumus permanere. Precipimus et mandamus tibi firmiter et expresse omnino volentes, quatenus prefatos Abbatem et Conuentum circa omnia ea, que, ut pre- mittitur, ipsis per dictos de Leuchtenburch data, concessa et indulta sunt eo tempore, quo Castrum ipsum in eorum erat potestate, remanere permittens, nec eis aliquam violenciam, grauamen seu molestiam contra ea ullo vmquam tempore inferas, prout indignacionem Regiam cupiens euitare, harum Nostrarum testimonio literarum, Datum Chrudim Anno do- mini Millesimo Trecentesimo Vicesimoprimo, feria tercia ante festum sancti Mathei Apostoli et Euangeliste proxima. (Copia in confirmatione privilegiorum ejusdem monasterii ab imperat. Maria Theresia anno 1747. data inter analecta Ant. Boczek in archivo marchionatus Moraviæ.) CXCI. Johannes, rex Bohemiœ, cedit Elisabetha reginœ pro X. millibus sexagenarum in Chutnis assignatis villam Mènin et bona in Hustopeč. Datum Brunæ, Idus Octobris 1321. Johannes dei gracia Boemie et Polonie Rex, Lucemburgensis Comes, Marchieque Budissinensis dominus, Omnibus in perpetuum. Dignitatis Regie solium disponente altissimo