37 Henrico et Vladislao Slesie Ducibus Dominisque Wratislavie et Legnicz Illustribus heredi- busque ac legitimis ipsorum successoribus quibus nos et Civitatem nostram totamque terram Oppavie pro octo Millibus Marcarum grossorum Regalium Denariorum sexaginta quatuor grossos pro qualibet marcha computando nomine pignoris obligavit, obedientiam et devotio- nem fidei absque dolo communiter juravisse: Promittentes bona scientia et fidei puritate quod ab ipsis et eorum quolibet nullatenus divertemus sed eis et eorum cuilibet serviemus et obedientes suberimus tam diu fideliter quousque ipsis dicta octo millia Marcharum de certa illorum qui ad hoc ex utraque parte deputati sunt ex integro persolvantur. In cujus rei testimonium presentes fieri et sigillo civitatis nostre fecimus communiri. Datum Oppavie Anno Dmni 1311. XVII. Kal. Julii. In eandem sententium extat, homagium Civitatis Lubeschinensis: Datum Oppavie Anno Dmni 1311. XVI. Kal. Julii. et homagium Civitatis Jägerndorff datum Oppavie Anno Dmni 1311. XVI. Kal. Julii. (Excussum apud Sommersberg Silesiacarum rerum scriptores p. 839.) XLIX. Johannes, rex Bohemia, omnia privilegia Bohemis et Moravis confirmans promittit, se nul- lam bernam ab eis exacturum excepta coronatione, sua ac liberorum conjugali copulatione, denique quodcumque officium Župœ in Moravia tantum Moravo committendum statuit. Dt. Bruna XIV. Kalendas Julii. 1311. Johannes dei gracia Boemie et Polonie Rex, Sacri Imperii citra montes vicarius generalis, ac Lucemburgensis Comes, vniuersis Regni et Marchionatus nostri Morauie fidelibus, quibus nosse fuerit oportunum, salutem et noticiam subscriptorum. Ad fastigia sceptrigeri dyadematis, diuina disponente clemencia, sublimati, ad hoc feruentibus votis intendimus. Vt nostri Regiminis tempore nostre dicioni subiectis libertas optata proueniat, vitentur pericula ac a malignorum protecti incursibus sedeant sedendo quiescant, in pulcritudine pacis, in taberna- culis fiducie, ac temporalium requie opulenta, quod tunc salubrius fieri, et commodius expediri credimus, si ius suum tribuatur cuilibet, et vltra debitum non artetur, Hoc sane attendentes omnes Regni nostri Boemie et Morauie Principes Ecclesiasticos et seculares, Barones, Nobiles, Prelatos, Clericos et Vniuersos nostre Dicioni subiectos, pio fauoris applausu fauorabiliter amplectentes, eisdem duximus promittendum, quod omnia eorum Jura, Consuetudines, que et quas a nostris habuerunt, et habere consueuerunt predecessoribus rata habere volumus et tenere et eadem inconuulsa conseruare, Necnon quod omnia eorum priuilegia, que a nostris habent predecessoribus volumus nostris confirmare sigillis. Preterea vt nostri subiecti vberioris nostre pietatis senciant beniuolenciam, promittimus vt nullam Sturam vel exaccionem que Ber wlgariter dicitur, nisi nos vxorem ducere contingeret, seu in liberorum nostrorum filiorum et filiarum coniugali copulacione, ab eis aliquatenus exigemus. Ceterum, vt nostri Regni Regnicolas ad voluntaria prouocemus obsequia pollicemur eisdem quod numquam alicui alteri quam Morauo in Morauia aliquod officium Suppe committemus, Insuper communi voto parentum affectancium successionem suam deuolui ad posteros, clementer assencientes,