331 Olomucensis diocesis Salutem et apostolicam benedictionem. Cum a nobis petitur, quod iustum est et honestum tam uigor equitatis, quam ordo exigit rationis, ut id per solicitudinem officij nostri ad debitum perducatur effectum. Eapropter dilecte in domino filie uestris iustis postulationibus grato conuertentes assensu personas uestras et locum in quo diuino estis absequio mancipate, cum omnibus bonis que impresentiarum rationabiliter possidetis, aut in futurum iustis modis prestante domino poteritis adipisci, sub beati Petri et nostram protectionem suscipimus, Specialiter autem decimas certas, domos, vineas, ortos, et alia bona uestra sicut ea omnia iuste, ac pacifice possidetis uobis et per uos dicto monasterio auctoritate apostolica confirmamus et presentis scripti patrocinio communimus, Salua in predictis decimis moderatione Concilij generalis. Nulli ergo omnino hominum liceat hanc paginam nostre protectionis et confirmationis infringere uel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli aposto- lorum eius se nouerit incursurum. Datum Auinione Idibus Nouembris Pontificatus nostri Anno Quintodecimo. (Ex originali in archivo abbatiæ Neo-Reuschensis.) CDXXXIV. Johannes, rex Bohemiæ, fundans in collegiali ecclesia S. Petri Brunœ decanatum, dolat ipsum certa portione reddituum ecclesiœ in Rausnitz. Dt. Brunœe die S. Katherinœe 1331. Nos Johannes dei gracia Boemie et Polonie Rex, Marchio Morauie, ac Lucem- burgensis Comes, Notum facimus presencium inspectoribus vniuersis, quod nos Ecclesiam S. Petri in Brunna, ut in ea nostra sollicitudine cultus divini nominis augeatur, gerentes in visceribus charitatis, et nobiscum diligencius recensentes, eandem Ecclesiam hactenus gu- bernacioni unius Prelati, Prepositi videlicet fuisse subiectam, Reliquaque Prelato, Decano scilicet permaxime indigere, quo presente Canonici et ceteri Ministri ipsius Ecclesie divinis officijs nocturnis pariter et diurnis studiosius aderunt, et sui officij debitum exequantur, eapropter contemplacione retribucionis divine eidem Ecclesie de Decano, ac de corpore Decanatus prouidere volentes, ipsi Ecclesie et Canonicis ipsius seu Collegio liberaliter et libenter damus, donamus et conferimus, ac in eos transfundimus Jus conferrendi seu pre- sentandi ad Prebendam, seu in ipsa dudum de certa et limitata porcione redituum Ecclesie in Rausniz creata, in dicta Ecclesia S. Petri, nobis conpetens tenore presencium literarum, ut ipsi Canonici eadem Prebenda vacante ad eandem aliquem virum jdoneum eligere va- leant in Decanum Ecclesie memorate, Renuncciantes pro nobis nostrisque heredibus et successoribus uniuersis Marchionibus Morauie omni Juri, quod nobis in collacione dicte Prebende seu presentacione ad eandem quomodolibet competebat. Presentem autem dona- cionem nostram a nemine volumus nullo umquam tempore quomodolibet inpediri, vel a quocumque contra ipsam aliquid attentari. In cuius rei testimonium presentes literas scribi et nostro maiori Sigillo iussimus communiri. Datum Brune Anno Domini M°.CCC°.XXXI°. V' feria in die S. Catherine. (Copia simplex inter analecta Ant. Boczek in archivo marchionatus Moraviæ sub Nr. 2975). 42*