17 XIX. Henricus, Bohemiœ, rex donat civitati Znoymensi ad resarcienda tempore belli perpessa damna villam Mispitz. Dt. Znoymæ III. Nonas Augusti 1308. Nos Heinricus Dei gracia Boemie et Polonie Rex, Karinthie Dux, et Comes Ty- rolis, Notum facimus vniuersis presentes literas inspecturis, Quod nos multis et magnis dampnis et impugnacionibus frequentibus, que et quas per guerrarum disturbia dilecti Nobis Ciues nostri Znoymenses multipliciter sunt perpessi, benigno compacientes affectu, volentesque ipsis pro sue deuocionis et fidelitatis constancia, quibus aduersariorum nostrorum, ipsos et Ciuitatem Znoymensem sedulo impugnancium vexacionibus, non submoti, erga nostram Excellenciam firmiter perstiterunt hucusque vicem reddere debitam et condignam, et Ciuitatis ipsius emendacioni cum effectu intendere cupientes, Ciuibus ipsis et Ciuitati villam nostram, in Morauico Missewitz et in Theutonico Mispitz dictam sitam prope Opidum Hoscziehradicz, de benignitate solita damus, conferimus, et donamus, ipsamque Ciuitati Znoymensi exnunc inantea imperpetuum incorporamus, applicamus, iungimus et vnimus, et volumus, vt villa ipsa cum vniuersis suis pertinencijs quesitis et inquirendis, ipsi Ciuitati deseruire, et ad eam perpetuo debeat pertinere. Volumus quoque vt Ciues ipsi Znoymenses prouentus et vtilitates de dicta villa annuatim prouenientes, in emendacionem et reformacionem ipsius Ciuitatis et non in proprios usus impendant. In cuius rei testimonium presentes literas fieri et secreto Sigillo nostro Regali, maiora non dum habentes Sigilla, fecimus communiri. Cum autem fauente Domino in Regem fuerimus coronati, literas presentis tenoris renouabimus, et eas ipsis Ciuibus dabimus Sigillis nostris maioribus, quibus tunc vti cepimus sigillatas. Datum Znoyme Anno domini Millesimo Trecentesimo Octauo. III. Non. Augusti, Indiccione Sexta. Regnorum nostrorum Anno primo. (Orig. membran. cum parvo sigillo bene conservato in archivo ejusdem civitatis). XX. Clemens, papa V. constituit abbatem monasterii S. Petri in Erfordia, ordinis S. Benedicti, defensorem ordinis Cysterciensis, mandatque ipsi, ut abbatibus, fratribus, abbatissis sororibus et conventibus prædicti ordinis efficacis præesidio defensionis assistat, et non per- mittat, eos in personis et bonis eorum contra indulta privilegiorum sedis apostolicæ indebite molestari, molestatores, quicumque, et cujuscumque religionis, conditionis aut status existant, etiamsi pontificali præfulgeant dignitate, appellatione postposita compescendo. Datum Avinione pridie Nonas Septembris, Pontificatus anno quarto. (Ex originali transsumto Johannis, episcopi Olomuc. ab anno 1311. quod in archivo „Aulæ S. Mariæ“ apud c. r. Cubern. Brunæ sub lit. B. n. 1. servatur. 3