94 CXXIII. Conventus monasterii Gradicensis notificat, quod filii Horyne, civis Olomucensis, curiam in villa Toweř sitam Henrico, advocato Olomucensi vendiderunt. Dt. in vigilia b. b. Symonis et Juda 1317. Nos Henricus miseracione diuina abbas totusque conuentus Monasterii Gradicensis Ordinis Premonstratensis, Constare volumus vniversis Tenorem presencium inspecturis. Quod frater Petrus ordinis nostri predicti plebanus in Nakel, Paulus et Georius filij qvondam Horyne Ciuis Olomucensis in nostra constituti presencia, Curiam in villa Thowiers sitam cum duobus Laneis agrorum et vniuersis ac singulis appendicijs seu pertinencijs suis, que Curia ipsos per mortem dicti Horyne patris ipsorum iure feodi contingebat, Henrico Aduo- cato Olomucensi vendiderunt et resignauerunt cum omni iure, quo eandem curiam ipsorum predecessores, et ipsi ab antiquo tenuerunt, hac condicione signanter expressa, quod ante- dictus Henricus Aduocatus Olomucensis suique successores seu heredes singulis annis in festo Martini vnam Marcam Morauici pagamenti predicto conuentui Gradicensi nomine census solvere tenebuntur. Qua soluta idem Henricus suique successores seu heredes ab omni impeticione Collectarum, Obsequiorum, vecturarum, ceterorumque Judiciorum seu con- tribucionum quarumlibet censebuntur liberi penitus et soluti, Plenam nichilominus habentes potestatem, de Silua nostra, que ville nostre predicte Thowiers adiacet, quantumcumque sue Curie predicte necessarium fuerit, vt vtantur. Promiserunt eciam coram nobis Petrus et Paulus et Georius supradicti Curiam prefatam cum omnibus suis pertinencijs, ab omni inpeticione penitus libertare. In cuius rei testimonium presentes sigillorum videlicet nostri et conuentus nostri ac Ciuitatis Olomucensis sunt appensionis munimine roborate. Testes huius sunt Theodricus Srollo, Henricus Scriptor, Peczoldus Jurati Ciuitatis predicte. Necnon Allexius, Lendlinus, et Cristanus Ciues ibidem, et Georius quondam prouincialis et ceteri quam plurimi fidedigni. Actum et datum anno domini Millesimo Trecentesimo Decimo Sep- timo. In vigilia Beatorum Apostolorum Symonis et Jude. (Orig. membran, cum tribus sigillis ex parte læsis in archivo Carthusiæ Olomuc. apud C. R. Gubern. Brunæ sub lit. E. n. 1.) CXXIV. Sobko, præpositus Zderasiensis cum conventu suo profitetur, quod domina Marska ad ecclesiam S. Nicolai in Mezerič donavit III laneos et dimidium molendini. Dt. die XI. Kalendas Januarii. 1317. In nomine sancte Trinitatis eiusdem Indiuidue Unitatis amen. Ne rerum gestarum memoria per decursum temporis deperiret, sapientum introduxit auctoritas, et consuetudo laudabilis approbauit, ut ea, que geruntur in tempore, ad eterne rei memoriam scripturarum testimonio perhennentur. Nos igitur Sobko Diuina miseracione Prepositus. Clemens Prior, nec non totus Conuentus Domus Zderasiensis, ac Przibislaus et fratres ibidem Ordinis S. Augustini sacrosancti Dominici Sepulcri Jerosolimitani, scire facimus uniuersis presentis et future etatis presencium noticiam habituris, quod Domina Marska cupiens in remedium