163 Decanatus de Schelk ac Rectorum ecclesiarum in ipso Decanatu consistentium Albensis Dio- cesis nobis conquerendo monstravit quod venerabilis frater noster Andreas Episcopus et Johannes Archidiaconus Albenses, eos in personis et rebus, ac iuribus ecclesiarum suarum multipliciter aggravant, opprimunt et molestant nonnullos eorum absque causa rationabili ca- piendo, quosdam fugando, et alios suis ecclesiis, sine omni cause cognitione privando, suisque bonis tam in morte quam in vita totaliter spoliando, adeo quod nonnulli eorum mendicare coguntur in ordinis presbyteralis opprobrium et scandalum plurimorum Preter hec graves eis servitutes imponunt, et alia intollerabilia onera contra ecclesiasticam libertatem, prefatis Episcopo medietatem et Archidiacono tertiam decimarum, que de antiqua consuetudine in illis partibus observata ad prefatos Rectores pertinere dicuntur, sibi per violenciam usurpando. Rursus cum eos visitant in Septuaginta evectionibus Episcopus, et Triginta Archidiaconus ipsos gravant ab eis pecuniam exigendo quamquam ecclesiarum ipsarum que adhuc sunt novella plantatio super hiis non suppetant facultates ab eis etiam pro suis institutionibus pecuniam exigunt et extorquent per symoniacam pravitatem et alias eos adeo multipliciter opprimunt et affligunt quod vix eorum aliquis in ecclesiis dicte diocesis remanent, nisi ipsos sui parochiani layci tuerentur. Et si quando a gravaminibus per Episcopum vel Archidiaco- num predictos illatis, a dictis Decano seu Rectoribus ad sedem apostolicam appellari contingat, appellantes eosdem quantumcumque legitime diris carceribus mancipant, instrumenta appellationum suarum violenter auferunt ab eisdem huiusmodi eorum appellationibus, sive in causis criminalibus sive civilibus interiectis minime defendendo. Adiciens idem Plebanus quod ipse cum metu et terrore pro se et aliis prenominatis appellans, cum per Episcopum et Archidiaconum predictos ad impediendum iter eius ad sedem predictam in diversis locis fuissent insidie preparate, recto tramite declinato, ac transformato habitu, ne ab huiusmodi insidiatoribus cognitus haberetur, ad dictam sedem per terras infidelium fuit profectus. Quare prefatus Plebanus nomine suo et aliorum prenominatorum quorum procurator existit, nobis humiliter supplicavit ut providere ipsis super premissis de opportuno remedio dignaremur. Nos igitur attendentes quod si premissa veritate nitantur, limam celeris et opportune correc- tionis exposcunt, cum talia non sit dubium in dictorum Episcopi et Archidiaconi salutis et fame dispendium vergere et in multarum animarum perniciem redundare fraternitati tue, de qua plenam in Domino fiduciam gerimus in virtute obedientie districte precipiendo monemus quatinus de premissis omnibus et singulis inquiras diligentius veritatem, et quecumque super hiis inveneris fideliter in scriptis redacta nobis sub sigillo tuo destinare procures. Et si forte per inquisitionem huiusmodi premissa repereris ita esse, prefatos Episcopum et Archidiaco- num ex parte nostra peremptorie citare procures ut infra trium mensium spatium post citationem huiusmodi legitime compareant in Romana Curia coram nobis facturi super hiis et recepturi quod iustitia suadebit. Diem vero huiusmodi citationis et formam et quicquid super hiis duxeris faciendum nobis per tuas literas harum seriem continentes vel per instrumentum publicum studeas fideliter intimare. Datum Avinione X. Kal. Januarii Anno Septimo. (Ex autographo Regesto Johannis papæ XXII. anni VII. part. I. pag. 133. epist. 341. in Tabulariis Vaticanis copiavit Dr. B. Dudík.) 21*)