240 CCCXI. Johannes junior de Swabenic opignorat monasterio Aula S. Mariœ in Antiqua Bruna villam Morbes (Morawany) in certa pecunia summa a domina Berchta de Šwabenic huic monasterio legata. Datum Brunœ, II. Idus Februarii 1326. Ego Johannes quondam domini Johannis de Swabnicz filius Recognosco presen- tibus vniuersis, Quod quia Nobilis domina, domina Berchta, quondam domini Witkonis de Swabnicz Relicta de Quingentis Marcis grossorum Pragensium, Pagamenti Morauici, Sexa- ginta quatuor grossos computando pro Marca qualibet, quas ipsa in villa Marweins, racione dotalicij habere dinoscitur, post eius ab hoc seculo decessum, Centum et quinquaginta Marcas grossorum et Pagamenti eiusdem michi graciose donauit, se cum residuis Trecentis et quin- quaginta Marcis in Monasterio Aule Sancte Marie in preurbio Brunnensi, in quo ipsa locum cius sepulture elegit, reponendo et eandem pecuniam venerabili in Christo domine Abbatisse et Conuentui Monasterii eiusdem, pro salute et remedio eius anime dando beniuole et expresse, in quibus videlicet Trecentis et quinquaginta marcis grossorum et Pagamenti predictorum, ipsa domina Berchta, ipsis domine Abbatisse et Conuentui, Monasterij eiusdem, eandem villam Marweins, et omne Jus quod ipsa in ea habuit, nomine veri pignoris obligauit per ipsas dominam Abbatissam et Conuentum post ipsum eius ab hoc seculo decessum tenenda et vtifruenda tam diu, quoad ipsa villa in eadem pecunia per me fuerit integraliter exsoluta perceptis et percipiendis de eadem villa prouentibus et vsibus in eisdem Trecentis et quin- quaginta Marcis, ipsis domine Abbatisse et Conuentui per me minime defalcandis. In cuius rei testimonium mei Johannis Sigillum, cum Sigillis subscriptorum testium presentibus est appensum, Nos Heinricus de Lypa, Capitaneus Morauie, Regni Boemie Summus Marschalcus, Gerhardus de Chunstat, Camerarius, Przibizlaus Zudarius Brunnensis, Johannes de Mesihrzicz, Wznata de Lompnicz, Potha de Wildenberch, et Hartlebus de Boscowicz, testes et conscij predictorum omnium, ac ea coram nobis ordinata Recognoscimus presentibus Sigilla nostra appendimus in testimonium super eo. Datum Brunne II Idus Februarij, Anno domini Mille- simo Trecentesimo, vicesimo sexto. (Orig. membran. cum VIII. sigillis parvis, e quibus primum avulsum est, in archivo ejusdem monasterij apud C. R. Gubern. Brunæ sub lit. J. n. 5. — Aliud orig. cum iisdem VIII. sigillis, e quibus tercium avulsum est, ibidem sub lit. J. n. 4.) CCCXII. Henricus de Lichtenburg testatur, redditus alterius dimidii lanei in Heinrichsdorf, fratribus de Pernstein venditi, ad conservationem luminum monasterii Sarensis assignatos esse. Datum in Sar VII. Idus Martii 1326. In Nomine Domini Amen. Quoniam oblivione que mater est erroris actus Mortalium destruuntur, consilio sapientum decretum est, ut litterarum et testium testimonio roborarentur. Quapropter universis Christi fidelibus ad quorum intuitum presentes peruenerint debet esse notum. Quod ego Henricus de Leuchtenburch vendidi animo deliberato, alterum dimidium