146 Ciuilis beneficio, quo contra premissa, aut alterum premissorum, in predicto negocio, pro nobis et nostris heredibus et Successoribus, quocumque possent locum aliqualiter obtinere Promittentes, quod contra predicta, vel aliquid predictorum, de Jure vel de facto, in Judicio vel extra, per Nos, nostrosque Heredes ac Successores nichil debebit, vllo vmquam tempore attemptari dolo et fraude in omnibus premissis et Singulis resecatis. In cuius rei testimonium presentes literas fieri, et Sigillis Maiestatis nostre iussimus communiri; Datum Brunne Idus Octobris, Anno domini Millesimo Trecentesimo vicesimoprimo, Regnorum vero nostrorum anno vndecimo. (Orig. membran, cum sigillo majori bilaterali rupto in archivo monasterii „Aula S. Mariæ“ apud C. R. Gubern. Brunæ sub lit. 2. n. 1.) CXCII. Taxatio bonorum Měnin et Hustopeč per Johannem, prœpositum Wissegradensem, Henricum de Lipa et Wokonem de Krawař facta. Dt. Bruna XVI. Kal. Norembris 1321. Nos Johannes dei gracia Wissegradensis Prepositus, Regni Boemie Cancellarius, Henricus de Lipa, Summus Regni eiusdem Marschalcus, et Wocko de Crawar, Scire volumus vniuersos tam presentis Etatis homines, quam future. Quod cum Serenissimus dominus noster, dominus Johannes Boemie et Polonie Rex, Lucemburgensis Comes ab onere debitorum. se exonerare cupiens Bona in Meneis et Hustopecz eum contingencia, Illustri domine Elizabeth, Serenissimorum Principum, diue memorie, dominorum videlicet Wenzesslai, et Rudolfi, Boemie et Polonie quondam Regum, Relicte in recompensam et solucionem dotis, seu dotalicij sui, Baronum ac fidelium suorum fretus consilio, dare ac eciam vendere decreuisset, tam ipse dominus noster Rex, quam eciam domina Regina iam dicti, super taxacione et estimacione ipsorum Bonorum in Meneis et Hustopecz predictorum, in nos tamquam in arbitros et me- diatores voto pari et assensu vnanimi consenserunt, nostro se arbitrio et ordinacioni omnimode submittendo. Nos igitur ad vocacionem ipsius domine Elizabethe Regine predicte Brunnam vennientes consedimus, habito super hoc sagaci ac prudenti fidedignorum virorum in talibus negocijs expertorum consilio, Baronum videlicet, domini Johannis de Mezirschitz, domini Diwisschij de Sternberch, Ciuium quoque Brunensium, Bartusschij, Nycolai de domo Teutu- nica, et Mauricij ac aliorum quam plurium, tam Baronum quam Ciuium Marchionatus Morauie, qui ad generale Colloquium tunc Brune celebrandum conuenerant, diligenti ac prouida taxa- cione inuenimus predicta Bona Meneis videlicet et Hustopecz omnibus eorum pertinencijs, villis, vineis, agris cultis et incultis, nemoribus, pascuis, pratis, aquis, Molendinis, ac alijs prouentibus et vtilitatibus eorum quocumque censeantur nomine, sicut Illustris dominus noster, dominus Rex, vel alij nomine suo ea bona actenus tenuisse noscuntur, studiosius estimatis ducentarum et decem et octo Marcarum habere redditus Morauici ponderis, Sexaginta quatuor grossos pro Marca qualibet computatis, quibus consideratis, et diligencia qua debuimus per- spectis, auctoritate, ex mandato et litteris dicti domini nostri Regis, data et iniuncta nobis ipsa Bona videlicet Menejs et Hustopecz, cum omnibus eorum pertinencis, prout superius sunt expressa, secundum consuetudinem et Jus commune terre Morauie pro duobus Millibus,