101 Leuchtenburck disen brief zv einer ewigen vrkvnde vnd zv einer ymmer wernder gedacht- nusse versigelt vnd gevestent mit vnserr stat insygel zv der Ygla, vnd ouch mit sin selbes insygel hern Seybotes des Stehleins vnd siner erben, Diser brief ist geschriben vnd gegeben do von Christes geburt warn ergangen Tausent Jar vnd drev hundert Jar, in dem Ach- czehnden Jar an dem andern svnntage in der vasten Reminiscere. (Das Orig. auf Pergament mit 2 ziemlich gut erhaltenen Sigillen im mähr. stand. Archive unter den Miscellen n. 3.) CXXXI. Johannes, papa XXII. constituit inquisitores invalescentis in partibus regni Bohemiœ et Poloniæ hœreseos. Dt. Avinione Kalendis Maii 1318. Johannes Episcopus Servus Servorum Dei Dilectis filiis Peregrino Oppoliensi Predi- catorum et Nicolao Hyspodinet de Cracovia Minorum Ordinum Fratribus Salutem et Apostolicam Benedictionem. Pre cunctis nostre mentis desiderabilibus tota mente optantes fidei catholice incrementa, et eam a malignorum et pravorum hereticorum potissime et credentium fautorum defensorum et receptatorum ipsorum dolosis insidiis et fraudulentis fallaciis, quibus vineam Domini Sabaoth nequiter demoliri satagunt, pro viribus conservare, nimio dolore replemur cum audimus aliquos vel sentimus ad illius depressionem qualicunque malignitate consurgere vel dampnabilibus ipsam depravando reprehensionibus aut ei detractionibus arrogabilibus derogando, seu eam fictis et mendacibus pervertendo commentis, ad quorum iniqua conster- nenda molimina eo animosius aspiramus, quo in animarum stragem huiusmodi pestilentes viros pernitiosius agnoscimus conspirare, facies quidem habentes diversas sed caudas ad invicem colligatas. Sane dolentes accepimus quod in aliquibus partibus Regni Boemie atque Polonie, et in confinibus et limitibus terrarum ipsarum precipue in Cracoviensi et Wratis- laviensi Civitatibus et Dioc. adeo infidelitatis diversimode error invaluit, quod ibidem quam- plurimi a via veritatis prorsus aversi euntes post devium falsitatis, ac seipsos diversis et variis heresibus maculantes pestiferas ad concutiendum orthodoxe murum fidei machinas construunt, molientes ipsam fallacium argumentationum dolosis falsis et vulpinis impulsibus demoliri. Verum licet ubilibet sedis apostolice diligentia contra talium periculosam et dolosam astutiam, ne diffusius huiusmodi serpat morbus, remedium libenter adhibeat opportunum in predictis tamen Civitatibus et Dioc. locis et terris veluti gentilibus et paganis quam contiguis cupientes ancxie ut negotium fidei iugi profectu elisis omnino quibuslibet erroribus heresumque quarumlibet eradicatis vepribus fortius convalescat, studemus ad hoc nec immerito per nos et alios attencius vigilare, providimus itaque in predictis Civitatibus locis et terris aliquas circumspectas personas ad presens pro tanto negotio deputari, quarum honesta conversatio exemplum tribuat puritatis et doctrinam fundant erudita labia salutarem, ut sacro ipsorum ministerio ac vigili studio et sollicitudine indefessa prefate Civitates et Dioc. terre ac loca hujusmodi pravis contagiis assistente divina gratia expurgentur, ac fidei catholice nitor multiplicetur et solidetur ibidem et clarius et lucidius elucescat in Dei honorem et eiusdem