392 viensi, castris Ronow Oywino et Schonbuch, villis, Juribus, domino pheudalibus hominibus et eorum pertinenciis universis, et generaliter cum omnibus eis, cum quibus ipse hujusmodi usque nunc tenuit et possedit, ex certa nostra scientia, nostro, heredum ac successorum nostrorum nomine, commutavimus et permutamus, et commutando in concambium damus et dedimus, tradidimus et tradimus, per ipsum Henricum et héredes ac successores suos, possi- dendum, Jure hereditario perpetuo et tenendum. Transferentes in ipsum Henricum, heredes ac successores suos, omne dominium, omnem proprietatem et omnia Jura, que nobis here- dibus ac successoribus nostris in oppido et villa predictis et suis pertinentiis universis competunt aut possent competere aliqualiter in futurum, taliter, quod ipse Henricus, heredes et successores sui oppidum et villam predicta vendere, alienare in totum vel in parte et de ipsis tanquam de re sua propria possint disponere pro suo libito voluntatis. Renunciantes expresse et ex certa nostra scientia, nostro ac heredum ac successorum nostrorum nomine in integrum restitutioni, dolo et in factum accioni, decepcioni, vltra dimidium justi precii et omni alio Juris auxilio, quo juvari possemus ad non tenendum vel non observandum omnia supradicta vel aliquod ex eisdem. In cujus rei testimonium praesentes literas fieri et sigillis majestatis nostrae jussimus communiri. Datum Pragae, per manus venerabilis Johannis Wissegradensis Prepositi, Regni Boemiae cancellarii, Principis nostri dilecti, III° Nonas Septembris. Anno Domini Millesimo Trecentesimo Decimo (nono). Regnorum vero nostrorum Anno nono. (Peschek Geschichte der Stadt Zittau S. 673. Beil. n. XVII. nach dem Orig. des k. k. geh. Haus- Hof- und Staatsarchives zu Wien.) XXIV. Henricus, dux Carinthiœ, nominat procuratores ad Johannem, regem Bohemia, missos, qui recipiant obligationes super designatum filiœ suœ dotalitium in regno Bohemice et marchionatu Moravia. Dt. Tyrol, die IV. Decembr. 1327. Nos Henricus etc. recognoscimus per presentes, et scire volumus uniuersos, quorum interrest, quod honorabilem Virum Magistrum Henricum prepositum de Volchenmarch Protho- notarium nostrum et fidelem nostrum Volchmarum de Purchstal presencium exhibitores fecimus et ordinavimus, et constituimus nostros Procuratores et Nuncios speciales ad petendam et recipiendam ab Illustre Domino Johanne Comite Lutzelburgense sufficientem fideiussoriam cautionem pro pecunia per eum nobis debita et promissa, sicut constat suis instrumentis, et Litteris desuper nobis datis: et ad recipiendum vice nostra juramenta, et obligaciones alias in Regno Bohemie et Marchionatu Moravie super disignacione dotis, seu dotalicij filie nostre sponse spectabilis Johannis filij, prefati Johannis Comitis Lutzelburgensis. Insuper eciam ad recipiendum ibidem homagium nomine tutele, quam gerere et administrare debebimus, prout hec et alia mutuo inter nos et predictum Comitem Lutzelburgensem tractata sunt plenius, et Litteris conprehensa; dantes eisdem nostris Procuratoribus super omnibus et singulis premissis, et ex eis dependentibus et contingentibus, et si mandatum exigant speciale, plenariam potes-