269 prope Milonicz — dotasse — ita quod presentacio altaris et collacio (ad quod Stankonem presbiterum presentauit) ad ipsum pertineat — ipso mortuo — ad ecclesiam Olomucensem — Tenetur autem altarista — tribus diebus in ebdomada missam in eodem altari dicere pro ipsius domini Milissii et suorum predecessorum anima — ac in anniuersario ipsius vnam marcam ecclesie Olomucensi deseruire. Ea — approbamus — Datum et actum in Olomucz anno domini M°.CCC°.XX°.VII°. pridie Idus Julii. (Ex originali in archivo capituli Olomucensis aservato extraxit Ant. Boczek.) CCCXLVI. Johannes, rex Bohemiæ, scribens Hinconi, electo Olomucensi, mandat incolis Bohemia et Moraviœ, ut nullus homines Cruciferorum excipiat, qui steuram impositam ſugere velint. Datum (inter 11. Junii — et 25. Julii) 1327. Johannes, dei gracia Boemie Rex ac Lucemburgensis Comes, fidelibus suis dilectis, venerabili Hinconi Ecclesie Olom (ucensis) Electo, Principi suo dilecto, necnon Universis Boemie ac Mor (avie) incolis, Baronibus, ac aliis, quibus presentes exhibite fuerint, gratiam suam et omne bonum. Cum nonnulli devotorum nobis ... generalis Commendatoris et suorum confratrum ordinis Cruciferorum de domo Theotunica subsides et Coloni ad subterfugiendum solucionem subsidii, eis pro hac vice impositi, ad aliena dominia se transferre studeant et recipere sub eisdem, vobis seriose comittimus et mandamus, omnino volentes, quatenus de huiusmodi ipsorum Cruciferorum Colonis seu hominibus quibuscunque, qui ab ipsis ad vos occasiono predicta transire forsitan niterentur, vos ab hinc usque ad festum beati Jacobi instans proxime nullatenus intromittere debeatis. Datum ect. (Excussum apud Jacobi in Cod. epistol. Johannis reg. Bohem. p. 2. n. 2.) CCCXLVII. Hartlebus et Gerhardus de Heroltic commutant cum monasterio Lucensi villam Našeratice pro villis Rotikel et Pokoyowicz. Dt. in Lucensi monasterio III. Kalend. Augusti 1327. Nos Hartlebus et Gerhardus fratres de Herolticz, Notumfacimus vniuersis presencium copiam audituris, quod cum honorabilibus et Religiosis viris domino Johanne Abbate et suo conuentu Lucensis Monasterij ordinis Premonstratensis, Olomucensis dyocesis forum fecimus permutacionis et contractus de villa nostra Naschraticz, que alio nomine villula nuncupatur, quondam dotalicium matris nostre de ipsius mera et libera voluntate pro villis Monasterij prefati Rotikel et Pokoyowicz dictis tali adiecta condicione, quod dictam villam nostram cum suis appendicijs quocumque nomine, uel tytulo censeantur, sicut eam possedimus contra omnes inpetitores quicumque fuerint eisdem dominis ac eorum Monasterio prelibato sub rerum nostrarum ypoteca disbrigare tenemur omnino circa proximum colloquium Nobilium dominorum Brunne uel Znoyme habiturum, et in antea coram nobilibus terre et Zcudarijs secundum ius comune terre pretactam villam Naschraticz omni fraude et dolo semotis liberaliter resignare promittimus et spondemus, Si autem quod absit hoc facere negligeremus, vnus e duobus