261 CCCXXXIII. Abbatissa et conventus monasterii Oslawanensis vendunt redditum duarum marcarum Perlino et Thyrmanno civibus in Monte. Dt. in Osla XV. Kalend. Maji 1327. Nos Ysaldis diuina prouidencia Abbatissa, totusque Conuentus de Osla Vallis sancte Marie, Ordinis Cisterciensis, Notum fore facimus omnibus presentes inspecturis, quod nos matura et communi deliberacione discretis uiris Perlino necnon Thyrmanno ciuibus in Monte uendidimus de bonis Monasterii nostri duarum marcarum redditus videlicet pro duodecim marcis Morauici ponderis pro qualibet Marca sexaginta quatuor grossos computatis, adicientes vero condicionem talem, quod dicti ciues dictarum duarum marcarum redditus filie sue Ca- tharine apud nos sub uita regulari degenti usque ad obitum suum libere assignant, et re- signant ipsas ad usus suos necessarios conuertendos. Post obitum uero prenotate Katherine prenominate due marce ad nos aut ad Abbatissam que pro tempore illo fuerit et ad conuentum sine omni contradiccione libere redibit et firmiter permanebit. Datum in Osla anno domini M°.CCC°.XXVII°.XV°. Kalendas Maij. In cuius rei testimonium presentes sigilli nostri mu- nimine fecimus roborari. Acta sunt hec in presencia Domini Martini Prepositi, Christiani Confessoris, Eberhardi, Johannis, Capellanorum, Katherine Priorisse, Clare Subpriorisse, Mechtildis Cellerarie, et aliis pluribus fide dignis. (Orig. membran. cum parvo sigillo in archivo civitatis Brunensis, O. I. n. 21.) CCCXXXIV. Johannes, reæ Bohemia, confert civibus Hradištensibus in confirmationem muri incepti IV. marcas grossor. Prag. de judicio civitatis ipsius solvendas. Dt. Brunc XIV. Kalend. Maji 1327. Nos Johannes, dei gracia Boemie et Polonie Rex, ac Lucemburgensis Comes. Ad vniuersorum notitiam tenore presencium volumus peruenire. Quod dilectorum nobis Ciuium nostrorum Rediscensium commodis et profectibus fructuose intendere disponentes, ipsis quatuor marcas grossorum denariorum Pragensium Morauici pagamenti, nobis de iudicio Ciuitatis nostre Redisch singulis anis debitas, in subsidium confirmationis muri sui, per eos pridem incepti, et aliorum eis incumbentium onerum sufferentiam et leuamen, duximus de liberalitate regia conferendas tenendas, habendas, et pro sue Ciuitatis vsibus per eos in perpetuum impendendas pacifice et quiete. Mandantes vniuersis nostris posteris ac etiam Regnicolis, cuiuscunque status aut conditionis extiterint, quatenus dictos Ciues in predicta eis gracia per nos facta nullis temporibus impedire presumant. In cuius rei testimonium presentes litteras fieri, et nostri sigilli munimine fecimus communiri. Datum Brunne Anno domini Millesimo Trecentesimo vicesimo septimo, XIIII°. Kalendas Maii. (Ex originali. cujus sigillum avulsum est, in archivo ejusdem civitatis copiavit Ant. Boczek.)